user68046759
قال ليها قومي ي قلبي استعجلي لي عشان انا طالع✋
قالت ليو انت امش اخد ليك شاور مسافه اخلص
مشى وجا لقاها كوت ليو جلابيتو الكبدية والشال والطاقية ✋
قال ليها انا ماشي وين الليلة غير الجامع
قربت منو ومسكتو من جضومو وقالت ليو عايز يقولو علي شنو مرتو قاعدة وجاي الصلاة بجلابية عادية✋
زح يدها وجراها عليو وقال ليها ايواااا ده نظام مغارز لنسوان الحله البشاغلن طوالي ديل
زعلت وقالت ليو انت زاتك م بتستاهل الزول يكسب فيك حسنه ويبقيك زي باقي الناس
مشت قعدت في طرف السرير وهو دخل لبس الجلابية والطاقية وكان ما شاءالله عليو مكمل الجمال والوجاهه جا وقف قداما وقال ليها انا طالع وم بطلع قبل ترضي عني✋
عاينت ليو كداا وطلعت من الغرفة
زعل وجا طالع لقاها في خشم الباب شايلة المبخر وبتقول لي لو طلعت كدا بسحروك لي لازم ابخرك من العين ومن الخفاف اللفاف
عاين ليها كدا وحضنا وقال ليها
ياخ انا ادمنتك وغيرك ما داير ولا بدور✋
ضحكت ولكزتو كدا قالت ليو الصلاة امشي خلاص
هو طلع للصلاة يتبسم وهي دخلت تصلي وهم الاتنين بدعو يارب تخلي لي