ج ــࢪف ـ؏ ــطشانِ

هم تفرج يربي ويوم أرتاح 
          	لو زنجر قفلها وضاع مفتاحه 
          	أركض والسراب أيتعب العطشان 
          	وعطش هرش الأماني ومات سباحه 
          	يا باب الادگه مسدده البيبان 
          	وعلى عيوني الوهم تتخاطف اشباحه 
          	أحلم بالفرح وأحلامي بالمگلوب 
          	وأنهض من أطيح وگوه أتصاحه 
          	أهومش عالعنب حسبالي اكظ عنگود 
          	ويرد چف الندم والعنب مالاحه 
          	وأخاتل والوكت إلگاه عين الذيب 
          	ومراوغ ثعالب أنه ورماحه 
          	تلتلت القهر بيدر ندم وأحزان 
          	وبسنين العمرظل يذري مرواحه 
          	تخاوه ويه الزمن چي لنه غدار 
          	وحظي ويه اليضدني محضر سلاحه 
          	اشيم لو جفل هلبت اگول ايطير 
          	ويردطبع الاغم ماحرك جناحه 
          	وواكح من خجل بس بيه تلهب نار 
          	وگلب سودي الجمروعناد الوكاحه 
          	واگولن تنتهي وبهاي امنت الروح 
          	وخلص عمر التمني وماشفت راحه  
          	
          	{ #محمد