انه بنادم صدگ ما احط بظهري جناااح   ..... 
اذم واكره و اسولف و احچي كلشي الچان.... 
و ما خطط لضحكة ولا لدمعة عين
و لا احزن چذب حتى انعرف انسان.....  من تصهل ضحكتي اعبر لذاگ الصوب
و من تنشغ دمعتي مناشغ المعداان...  علة الفطرة من اسولف ما تهمني الناس 
ولا ادور صداقة  بگعدة الديوان
و ترة اليغلط بحقي انطي وچهه عريس
يحس زافوف اريدة ولا يحس غلطان 
متناقض لان عايش طبيعي وياك
الماعنده تناقض هذا مو انسان
تچيني ايام احن لريحة العاگول 
و تمرني ايام اذوب بريحة البستان
و تصح مرات امر نسمة بصدر فلاح 
و تصح مرات اشح بشهگة عل غرگان 
انه غير السمار بوچهي ما مش لون بس مرات اتيه
و تطگ بيه الوان
حنچي من انفتح ما زاحمت عصفور
ولا غرني الصياح و نافست خرسان
تعيرني بعشرتك من چنت وياك و گلبي بعشرتك
كله انترس دخان 
انة مسير ضوة لسردابك المسدود
بوگت شمس الظهر ما دكيت بيباان    ............


    ..... (  Gentel)))  🍁🍁🍁