الحلم المسموم

الفترة اللى فاتت حصلت حاجات كتيرة اكدت ان الحب او او الاعجاب او الفلوس او حتى المظهر اى صفة من دول لما بتكون عند الشخص اللى هترتبط بية تأكد ان من غير الثقة والامان والاحترام والتقدير وكمان احترام رأى الطرف التانى والأهم من كل دة كمان انك تبقى عارف ان اللى اودامك بشر زيك بيتوجع بيموت يتنفس بيزعل بيفرح فمتبقاش أنانى وتفكر فى نفسك
          الفترة دى بجد اتعس فترة مرت علية بابا واحشنى جدا والحب بقى مجرد كلمة بتخبى وراها سكينة الغدر الطمع الكدب واوقات عقل خبيث فين الامان فين السند فين القرأن اللى احنا بنمشى على خطاة 
          انا مش هرد على حد ولا عايزة حتى متابعة لانى مش محتاجة حد غير قلبى او الباقى من قلبى يكون بعيد هو اللى فاضل من الحب الخيالى لوحدهم بعيداً عن البشر وقسوتهم 

مفيش حياة بتتقاس بالعمر لأن العمر مجرد رقم بيتكتب وبيتجدد كل سنة واعتقد أن كل شخص ممننا شاف اشخاص وحاجات غريبة وعجيبة وساعات خارجة عن الطبيعة بس بنحبها لأنها ذى المغامرة وبنحب نعيشها 
          اعتقد انى شوفت حاجات اغرب ما يكون فى الناس او فية انا 
          حبيت الناس المختلفة وحبيت تجاربهم وحبيت اجربها مش عارفة علشان حبيتها ولا كمجرد فضول بس الأكيد انى بحب اجربها واكيد منكم اشخاص كتير كلمونى وعرفونى 
          
          
                بس الأكيد هتتصدمو من شخصيتى الواقعية والحقيقية فى المستقبل لأنى عكس الكتابة وعكس الدردشات 

بعترف ليكو حبيت كتير وكلمت كتير ووثقت كتير بس اللى انا عارفاة اكتر أن كل شخص دخل حياتى سواء كان صديق او حبيب او خطيب انا أتكسرت أكتر وأكتر وأكتر لحد بقيت بقايا واحدة بقيت مش بشوف الحب حاجة حقيقية او واقع بقيت بشوفو متشوة بدل الجمال اللى كنت بشوفو زى اى بنت بتشوفو حتى بعد ما اتكسرت بطرق وحشة جدااااا خوفت واترعبت وبترعش من مجرد كلمة بحبك لأنها مش مشاعر قلب لا دى بداية كسرتك بس من نوع وانسان ووقت مختلف علشان كدة انا بقول للى عارفنى او لا انا مش بثق انا بختبر انا بعيش وخافو من ايدى اللى بتسلم يمكن تلاقونى بدل ما اسلم أقتلك لو حاولت تكسرنى لانى شظايا أزاز فهتموت صدقنى 
          اة بريئة بس قلبى قاسى وجدا 

امبارح لما كنت برة مع ماما وروحت لواحدة نعرفها سمعت منها دعاء ريح قلبى جدا لدرجة انى مكنتش عايزة ابطل أقولو بتمنى تجربو تقولوة "اللهم رودنى أليك ردآ جميلا طيب ليس بة سيئة أو خوف من لقائك "

اة انا كويسة وكل حاجة بس توتر الجواز وكمان ترتيباتو والفون كانت شاشتو محروقة ومكنش معايا نت خالص فااا معرفتش ابعت او اتكلم بس ادعولى اتفضل اأقل منسنة وخلاص هكون فى البطاقة متزوجة ودى حاجة مش عايزاها الصراحة بس عارفة وانتو عارفين معنى ان البنت مترتبطش وتركز على شغل او دراسة حتى لو بقينا دولة متحضرة فى عقول امهات مش متحضرة او بتفكر فى حاجة غير جواز بنتها فاااا بردك انى متوترة وقلقانة من سلايفى ومن الحياة الريفية والزوجية والأهم تغير شخصيتى من مرحة لجدية وانا بكرة الجدية اوفففف ادعولى وشكرا على متابعتكم لية بالرغم انى بنكد عليكم وباكل دماغكم بمشاكلى بس انا كدة وتظ فى المنطق والعقل ومرحب بالجنون وعدم المنطقية 

‏'
          
          ‏'
          
          ‏صباح الخير ..
          
          ‏للذين يستيقظون و قلوبهم ممتلئة بالأمل
          
          ‏اللذين يحاربون ضجيج الحياة بصمتٍ و ابتسامة️
          
          ‏صباحكم سكينة تُغني القلب ، و نور يُضيء الدرب
          
          ‏..

رد المتابعه 

فى اوقات بتحس ان القريب والغريب والظروف عليك اعتقد ان التعامل ببرود عكس ماهما مستنيين ولما تحتاج تطلع الوجع او الكسرة اللى عندك تطلعها لوحدك وفى عقلك بعيد عن الوحوش او المخلوقات الأنانية اللى حواليك 

ميهمنيش فى حد هيقرأ الكلام دة والا لا 
          الكلام دة بكتبو فى الصفحة والمكان اللى بقولى علية العالم بتاعى من غير ماحد يعرف انا مين او منين علشان لكل شخص لية سر ولية شخصية ووشى بيكرهو ويشمئز منو وانا زيكو بالظبط بكرة الشخصية دى بطريقة متوصفهاش كلمة او تعبير وبكرة اللى اتعاملت بيها معاهم او عرفوها عنى بكرة اى شخص مر بحياتى وشاف الوش المسموم 
          تعرفو ان اكتر حاجة بكرها فىنفسى انى عايشة او ماما تعبت انها تجبنى الحياة دىوانى احب واتوجع اكون صريحة واتجرح انى مكرهش حد انى اخاف على زعل الللى حوالية انى احط فى نفسى علشان محطش على حدولماحد يقولى قولى اللى فى قلبك واطلع جزء منو يقولولى اسكتى ويبرقو لية ويتهمنونى انى قاسية فى الكلام معهم 
          بكرة ان حد يدخل حياتى ويقول بحبك ويكون مش فاهم معنى الكلمة العظيمة دى 
          بكرةكل شخص شايفنى لحمة او جسم من غير مشاعر 
          بكرة كل شخص فكر انى هبلة علشان بحب العب والالوان والكوتشينة والاطفال وانى مش بحب اتعامل مع الكبار ويقولولى انى هبلة بردة ومش ناضجة ومتنفعش للجواز 
          بكرة كل شخص مفكر اننا اداة يستخدمها و يرميها بحجة الجواز او بعد الجواز 
          لكل انسان لية تفكيروولكل انسان لية شيطان ولكل انسان لية ملاك ولكل شخص غلطات ولكل انسان مشاكلو النفسية  او الجسدية او العائلية او الزوجية 
          فى مشاكل كتير جدا وهى دى الحياة مفيش حياة من غير مشاكل مفيش حب من غير صعوبات ومفيش انسان كامل 
          اتكلمت كتير بس دة مكانى وانا مرتاحة انى بكتب واللى مش عجبو انا عجبنى لان دة مكانى انا ومش محتاجة شخص او تعليق غير مرغوب او بيتحدى الحدود الحمرا 
          وشكرا على وجودكم معايا ....سلام اشوفكم بعد مدة اكيد هتكون اطول 

ياجماعة انا مصدومة اخر حاجة ههههه
          انا أتقرا فتحتى امبارح ومصدومة فعلا واو 
          وبكرة اللى هو الجمعة خطوبتى  ادعولى انا متوترة جدا ومتحمسة كمان 
          اة خايفة قلقانة منكرش بس دى الأخيرة
          بتمنى بجد كل خير ليكو ولية واننا ربنا يهدينا لطريق الدين والتقوى علشان الحياة فانية مفيش حاجة هتاخدها معاك القبر غير اعمالك 
          هتوحشونى جدا باى باى