سؤال تعرف علي وگمرته؟
زين عادي شوية من وقتك احچيلك فد قصة قصيرة 

علي وفاطمة اثنين حبوا بعض حب طاهر ونظيف 
الحب الي بينهم مستحيل توصفه كلمات"

علي چان طفل يتيم لگاه بالشارع شخص اسمه ادريس احتواه واعتبره ابنه وصار علي احد ظباط الجيش العراقي الكفوئين علي حب وحده اسمها فاطمة آيه من الجمال والاخلاق مثل الگمر لدرجة صاروا يسموها گمرته وتعلق بيها كلش ووين ما يشوف مرة چبيرة ويساعدها يگللها ادعيلي اخذ فاطمة خاله خطبها واهلها ما انطوها اله لأنه يتيم وابن عمها عاند ونها عليها وچان يأذيها ويضربها اذا رفضته علي تعب حتى ياخذها بالحلال وبعد سنين ومدة فعلا وافقوا اهلها بس كسروا ظهره بالمهر ومع ذلك كال ميخالف تستاهل گمرتي وعاشو اجمل ايامهم بكامل فرحتهم وتخطيطهم لكن للقدر رأي مختلف وقرر يجمعهم بمكان اجمل واحلى وبطريقة كلش مختلفة چانوا رايحين سوا علمود يشترون اثاث واغراض بسيطة للبيت وصار انفجار هناك اثر هل انفجار استشهدوا هواي ناس ومن ضمنهم گمرة علي
تتخيلون علي شصار بحاله؟
 حطها بحضنه ويگوللهم گمرتي متعوفني هي وعدتني يگللها گمرة علي انتي گومي لتكسريني بس للاسف استشهدت عروستنا ومن راحت گمرته بعد اسبوعين علي چان عنده واجب لكن الغريب چان فرحان وعيونه مليانه دموع فرح چان حاسس ويگوللهم راح الحگ گمرتي جان عنده صديق اسمه بسام روح بروح فـ ارسل لصديقه صورته وهو لابس اسود وعليه قصيدة "يمه ذكريني" للرادود باسم الكربلائي وگاله من استشهد انشره اتخبل بسام واتصل عليه وگاله
علي انت وين؟
 رد عليه: اني يم گمرتي حفرت گبري يمها وباچر جاييه 

صديقة مقبل علي يروح للواجب بس هو اصر وگاله لا اريد ارتاح وراح مبتسم وتحققت امنيته والتحق بگمرته علي چان موصي صديقه يحچي قصه حبهم كلما يشوف اثنين عشاق وشلون تعذبوا وصاروا لبعض واني قررت اساهم بهذا الشيء ايضاً 
بالنهاية وابأجمل مكان علي صان فاطمة وحافظ عليها چان يخاف عليها من روحه حبها حب طاهر نقي نظيف 

انتهت قصة حبهم الطاهرة بجنة اللّٰه 💖

للي حاب يطلع اكثر ويقرأ قصتهم بكامل تفاصيلها 
اسم القصة: أجرام مستباح لثلاث ندبات 
وحتى تعرفون تفاصيل اكثر وتشوفون صورهم الحقيقية تابعوا قناة الكاتبة ايلول على تليجرام اسمها: aylol_w
  • JoinedMay 22, 2022
Following

1 Reading List