رعد ستار

التفت بخوف ورهبة من هل طريق الي سلبتة عين يمين وعين يسار جسمي يرجف بإستمرار خايفة من كل شي 
          
          وكفت بمكاني وحايرة وين اروح لا اندل مكان ولا اندل الطُرق خايفة لا هو يجي ويشوفني
          
          شنو يسوي يمكن يگتلني او يضربني بلسوط او يچويني او يسچني او يدفني واني عايشة او او او
          
          كلشي خطر ببالي اخذت كمية نفس وزفرت اريد بس يهدء بالي بس مااكدر كلما اتذكرة واتذكر اسمة گلبي مااحس بي
          
          مكان ضلمة ناس قليلة وحتى يمكن ماكو سمعت صوت العكازة القوية تصنمت هو اي ولله هو متأكدة نزلت دموعي واحس صوت العكازة يقترب شوي شوي 
          
          مااكدر اتحرك رجلي ماتشيلني سمعت صوت ضحكة الي يخوفني واعرف ورا هل ضحكة بلاء نزلت دموعي نزلت نضري لرجلي ليش متمشن اركضن اشردن حبابات
          
          مااكدر رجلي ماتتحرك بدون ماالتفت وكعت بلكاع ماستحملت اخذ هو نفس وكال والعكازة تنضرب عل كاع
          
          :- شردتي مو 
          
          صوت بچيي صار يقوى تمشى بهدوء ورزانة وصار كدامي نزل بمستواي والچكارة بأيدة رفعت راسي بخوف قلق توتر كلشي
          
          اشوف الابتسامة الجانبية على وجهة صرت ابچي اكثر واكثر كلما يقترب احس بلموت كال بفحيح وهدوء
          
          :- لا تبچين هواي خزنيهن ليكدام
          
          لزمني من ايدي بقوة وصار يسحل بيَ واني لا حياة لمن تنادي عرفت بهل لحضة ماكو فرار ولا نجاة من هل شخص
          
          وين مااشرد يلكاني وكال بعضمة السانه لو تروحين ورا الشمس اجيبچ وارجعچ لهل قفص
          
          
          https://www.wattpad.com/story/344003117?utm_source=android&utm_medium=link&utm_content=story_info&wp_page=story_details_button&wp_uname=Rahaf_Hammam&wp_originator=tYDW%2BXk5sXlK0aDWD%2FxtAR3Nhgx5t6ahCQp3Tyq7214GmVnPxwmclHZ4k%2FXGRkQj5id%2BI6kmKbsoGVQVh8COt8jB7kJXW7%2FzAxe0u1XB14j7q7ZZsdOdE4VinJN236qy