العراقي المثابر

كَلبي شجره معطّره ومزيونه ،
          
          والحمام الهايم بلهفه يحوم ،
          
          واللي يلكَاله غصن خيعونه .

ابو جاسم  سأل زوجته وهم على جربايتهم  قبل النوم 
          تدرين
          ام جويسم
            جم مرة تزوج الإمام علي بن أبي طالب ع  
          وكم عدد زوجاته ؟
          ردت عليه 
          بعد ما حركت  راسها عن المخده 
          وكالت له 
          روح شارك بنص غزواته
          ومعاركه  وبعدها تزوج
          مثله 
           حتى تقارن نفسك بيه  ..لأن اعرف قصدك  
          واذا ابالك مريه  اني اروح  أخطبها لك .
          
          وانطته ظهرها دقيقتين ورجعت والتفتت عليه وكالتله 
          روح دافع عن القدس وحرر فلسطين وقاتل الدواعش والامريكان واطرد اليهود .... يا ابو الغزوات
          
          كعد  يكول بكلبه
          وهو يجر بجكارته ياريتني ما سألتها ..
          التفتت عليه مرة ثالثة
          وقالتله : والامام علي خلع باب خيبر لوحده 
          
          وانت وابنك انسد  باب البيتونه  قبل يومين 
           وما عرفتم تفتحونه
          لمن رحتوا جبتو جويسب اللحيمجي  وجاب وياه  كوسره ومكينة لحيم 
          يالله فتحتوه
          نسيت 
          
          سحب البطانية وانطاها ظهره 
          وهو يردد شورطني وياها  ام لسان
          
          وعدّلت مخدتها و فتحت عيونها وقالتله  
          الإمام علي في بعض الليالي يصلي صلاة الليل في الصحراء ودائمًا يُغمي عليه من خوف الله ..
          
          وانت ما أنغمى عليك الا يوم طلعت لنا حيه  بالمطبخ... تذكر 
          ذبينا عليك ماي بارد وريحه وراس بصل يله انتبهت 
          وصلاتك تخلصها ركاض  خليني ساكته احسن  
           ما اريد احجي  بس انت أجبرتني ع الحجي
          تدري   علي عليه السلام  انتصر  بجميع الغزوات 
          انت بيا غزوه غزيتها و فزت
          تدري علي بن ابي طالب ع
          كان شاب زغير  وكتل عمر بن ود العامري اللي يعادل الف رجال مثلك ومثل غيرك
          ابو جويسم  فرك الجكاره بالمطفيه
          وغطه راسه بالبطانيه
          وسوه روحه.... يشخر  
          ................
          من كتاب ... 
          (( الرد الرنان على من يستفز النسوان))