أيه سعد

@user98627737  
            مع أحترامي لظروفك بس حتة انك تحذفيها بسبب الانتقادات الكثيرة، والله انا بشوف كتير بيواجهوا انتقادات ومع ذلك بيكملوا عشان بس اللي بيتفاعلوا. 
            
            ونقطة ان حضرتك ضيعتي ساعات عشان تكتبي، احنا كلنا عارفين ان الكتابة مش حاجة اساسية في حياة الكاتب وأكيد ليه حياته ومسؤولياته، كان ممكن توقفيها فترة شهر سنة لكن ماتتحذفش خالص، في كاتبة اسمها فاطمة عبد المنعم دي كانت موقفة رواياتها حوالي تلاتة او اربع سنين، والله زي ما بقولك كده، وكانت خلاص هتخصلها وجات بقى بعد كده ختمتها بعد فترة الغياب وماحصلش حاجة يعني. 
            
             اللي عايزة اوصلهولك ان مش دائماً الحذف وان الرواية تتشال خالص ده الحل، مثلا حطي في دماغك لو حد أنتقد روايتك خدي الانتقاد ده بطريقة أيجابية، مثلا الرواية عايزة تعديل أو ناقصها كذا، وبعيدا عن كل ده فـالانتقاد اساسا من علامات نجاحك، وبعدين هو انا مش شايفة ان روايتك حضرتك فيها حاجة غلط عشان ينتقدوها، فيها طابع ديني ومحتوى هادف ومنطقي ومش عبثي، ومش زي ما ناس كتير بتعمل دلوقت، والله بجد انا كنت بحبها اوي، دي بالنسبة لي كانت زهرة في وسط عالم مليان حشرات ودبان وقرف. 

@ Fatima_al-Zahra   وعليكم السلام ورحمه الله وبركاته 
            وأنتي بخير وكل حبايبك حواليكي
            ممكن يكون أحد أسباب حذف الرواية هي قلة التفاعل والانتقادات الكثيرة 
            لكن السبب الحقيقي أني كنت فى مرحلة انتقالية مهمة فى حياتي وكان من المستحيل اني اكمل كتابة 
            وبخصوص نقطة أن الناس بتضيع وقتها فى القراءة؟!
            ده بجد ، امال اللي ضيع ساعات عشان يكتب واختذل الوقت ده من دراسته وشغلة دون أي فائدة إلا أن التنظير والانتقاد 
            أتفهم أنك ممكن تكوني مهتمة بالرواية ، لكن لكل بداية نهاية 

@ dare34344كلامك على رأسي يا حبيبي 
            أنا بعتذر لأن الروايات أتمسحت للابد ، جايز فى يوم من الايام أرجع بروايه تعوض اللى راحوا، وده جايز ❤️‍

@ AyaAl-tary ربنا يوفقنا جميعا ❤️بس الباب أتقفل للابد

بُصي يا جميل مادام كتبتي يبقى الكتابة بتمثل جانب حلو في حياتك وجزء من شخصيتك فلو قررتي توقفي تمام، لكن اعملي حساب انك هترجعي تحني للكتابة تاني عشان كدة ما تقفليش الباب سيبي الروايات عادي دي حاجة انتِ تعبتي فيها وبتشكل مرحلة مرت عليكِ، دي مجرد نصيحة من أخت وفي الأول وفي الآخر ده قرارك لواحدك، المهم تكوني راضية، وربنا يوفقك دايمًا يا يويو♥️♥️ 

@ AyaAl-taryمشواري أنتهى فى الكتابة 

أعتذر علي الأخطاء الإملائية الكيبورد يعلق معي أحياناً*