حسين

ممكن اتابعون قصتي الجديدة وتصوتون   اسمها ؍ دخيلة أبوꪇ الحس͜ـ̠سن❤!)''۽ واتمنا اتابعون حسابي حته يوصلكم كل جديد وشكرا

https://www.wattpad.com/story/265670408?utm_source=android&utm_medium=link&utm_content=share_reading&wp_page=library&wp_uname=FhgG99&wp_originator=dpc2hDMFbKeNxW7fYK5dNzOhvCHfefDWncZat2PD4yUtqNPGPRSmIoz9hQk5aumrV%2BlDqdkNL%2FT6J21oTK0ql7mBSuokvxwMlxBSrJB3%2F14pVfdph9z%2F%2BDeaV1ouBcgd
          
          
          ممكن تساعدوني بمشاركه هل قصه كلش حلوه 
          
          ادري بيكم ما تقصرون 

طولت الغيبه اخويه ابو علي
          ان شاء الله خير

مساء المسك والطيب
          شلونك اخويه ابو علي
          ماكو ان شاء الله غياب خير.. 

https://youtu.be/1H7elWBQPeo

اسد شباج حسنك لو تعديت
          وأضيف اتراب جدمك وردة البيت
          وسئلك لو طفح حسنك بالعيون
          حلو بطبعك يالغنج لو تحليت
          والمك لمت الخاطر بالعتاب
          وانشدك من عطشتك ليش ماجيت
          مو نده روحي النسيم وليك حنيت
          ومثل كطرة نده بوردك تبديت
          تمنيتك تجي بكد ماتمنيت
          حتى انشدك من عطشتك ليش ماجيت
          وكصه بروحي الجفه وكل يوم الك راي
          وانا الماني ويه صبري ولا انت وياي
          لون تدري بحياتي شسوه الفراك
          شمس مغرب حياتي وباكها الماي

مع أنفاس الصباح ☉☉
            صباح الخير لأولئك الذين يشبهون الصباح والخير معاً
          
                                صبحناكم بالخير
          

أعز من روحي أعزكْ 
          وانته اعز منـٌي 
          ياحسبة عمر ..خاويتها إمن إصبــاي 
          بـِطلـَتْ صـَفنتي .. وما بَطـٌلـٌتْ مني 
          أحــِس كًًُــَلبي الفـِضـِي..متعوب حد الويل 
          وأدعيـله الصَبُر.. عن لا يفشلني 
          جَسٌيت الليالي ابمرود الحلوات 
          وسنين العمر بالشيب جسنـٌــيٌ 
          اضحك للبجوا.. حد شرهة المنكـَود 
          وابجي ابكل مزنتي.. الطور المغني 
          لاغرني المدح... بشفاف المحبين 
          ولاهـمني الشماته اشما حجوا عني 
          يلتمٌن علــٌيه... امشتتات البال 
          وانفضهن نفض 
          وانهض ولا جنــٌي 
          وليت.. وعف ضميري .. وماكسرت العود 
          ولـِسـِن.. شبه الزلم .. بالعلن سبــٌني 
          كـفاني امرح.. ورع.. والتذ بحب الناس 
          وعملات الكـَبح .. ما يوم خاوني 
          لا ِزحتْ الحيا... ولاضيٌعت معروف 
          ولاخنت الوفه.. وربعي اجفلوا مني 
          أضحك بالوجوه.. ابغير راحة بال 
          واصبر لو .. ليالي العسر ضكني 
          واكابر عالشدايد ... حد مصب العين 
          واسكت.. لو دثو من الناس لاسـٌــني 
          واسامح .. ما أبحــٌـر.. وين حد الغيض 
          وأزلف ..لو حوافي الزعل وازني 
          وينشدني صديجي ..المانشد عني 
          كـَـبل طبعك الونــٌـه ..وصاير اتغني؟ 
          كـَبل عينك محطه .. وخاطرك مكسور 
          هسه اعله الثجاله.. اتفوت متحني؟ 
          واجيبه ابكل برود .. وعودِتي ابسـنـُي 
          استراحت مستحاتي .. وعاكستني الريح 
          لاني من الهموم . ولاالهم مني 
          أنا ابن العاصيات .. من الليالي السود 
          لاريد الكـَـماري .. ولهن يردنـّي 
          ارضعتني امي ابدمعها .. من عرفت الصوت 
          وغطـّــتني بحزنها ... من مشت عني 
          خذت روحي اعله ضيمي ..وماشكيت الحال 
          او يمنــّـوني: اشتبي؟ 
          وما كــَـلت: متمني 
          علـّمت البعض .. نكـَــل الجدم عالكـَــاع 
          وأول ما مشن.. بالزلكَ لبــّــني 
          اكــَول : اتغـّيرَت... والناس ماهي الناس 
          رضـّـاعة قواطي.. وخـّيبوا ظني ......

انه كل وني وعذاب البجلاي منها
          واعدت وتأملتها 
          و ردت و خانت وعدها
          ركَطه نكَضت  غيضها 
          وطبت حفر وأمنت سدها
          آخ يا نسمة شبابي الغربت
          ياهو اليردها
          وسحت أجروحي الجثيره
          وحاير بيا صوره اشدها
          ولك يالجتفت روحي 
          بسلسلة حسرات هدها
          لاتذوبها بلهيب أجفاك 
          من كَونك تودها
          كافي منبت ضيو صارت
          عاد خل تنجه بجردها
          عفيه روحي شلون طول اجفاك
          ما فكَدت رشدها
          وكَحه والوكَحه طويلة بال 
          تتحمل وجدها
          آخ يا روحي البعد هينوب
          ما يعدل غصنها 
          ورطتني بزيد وعبيد 
          ومثل فص الملح بالماي ظنها
          طاحت بآخر درك 
          وتبرت الخلان منها 
          هاي روحي الما تمل منهم 
          بعد بأتعس عسنها
          
          راقت 

حين يدق الحنين باب القلب .. 
          لا ينفع الصبر ابدا ..
          مساء السعاده للجميع