Noor _

أوقات الماضي بيفضل يطاردك ، ومبتبقاش عارف الغلط فين بالظبط .
          أحياناً تقاوح وتحاول بإستماتة انك تدافع عن نفسك وتقول مبرراتك وأوقات تانية تكبر دماغك وتقول آسف ، أو معترف بغلطتي وخلاص اللي حصل شيء انتهى كلموني في اللي جاي . 
          
          وأوقات تتوجع وأوقات تحس بإنتصار ، مع انك في كل الحالات زعلان أوي .. 
          
          زعلان على نفسك مش أكتر ..
          
          بس مين شايف .. 
          
          أو مين حاسس ...
          
          غير واحد داق نفس الوجع ..                                                13/3/2022 

كلها ايام وينتشر بوستات من نوعيه لازم تسامح اللي ظلمك لأن احنا في شهر شعبان 
          لما تكون زعلان من حد وتسامحه لله كانت بجد بيبقي ثوابك عند الله كبير جدا ، واجرك علي الله ويبخت من قدر وعفا 
          بس اللي مش قادر يسامح ؟! 
          محدش يقدر يلوم عليه ، ولا يرغمه يعمل كده ، مفهوم مغلوط عند الناس لما يكون حد تأذي جدا من شخص ومش قادر يسامحه فالناس تقوله كده حرام عليك وانت قلبك اسود وبلا بلا  بلا 
          مين فهمكم إنه حرام عليا لو مش قادر اسامح اللي وجعني وذلني واهان كرامتي !!
          مين بيحط في دماغك الافكار دي هو علشان ابقي مسلم لازم ابقي مهان وملطشه ومخدش حقي 
          سيدنا وحشي قاتل سيدنا حمزه عم النبي وبقول ع وحشي انه سيدنا لانه اسلم وحسن إسلامه بعد ذلك ومع ذلك كان النبي صلي الله عليه وسلم يقول له لا تجعلني اراك انت متخيل النبي يقول لواحد مش قادر اشوفك !!
          لانه يُذكره بمقتل عمه ، ومش قادر ينسي ، ومع ذلك الله لم يعاتبه ولم يقل له فعلت كذا وكذا ، هو مش بيكرهه ولكن مش قادر ينسي ، 
          بلاش تحكموا علي وجع حد انتو معشتوش تفاصيله ، اللي قادر يسامح الله يباركله ، واللي مش قادر الله يعينه علي وجعه 
          
          الله المستعان

‎معاركنا الحقيقية في الحياة ال تستاهل كل طاقتنا
          مع نفسنا مش مع اي حد تاني!
          
          ‎عشان نتجاوز منغير ما نستني اجابات او اعتذار 
          ‎عشان نبطل نجلد ذاتنا علي الفاضية والمليانة 
          ‎عشان نتعلم نسكت وقت ما يكون السكوت واجب 
          وعشان نتكلم بس وقت اللزوم .. وقت ما يكون ال قدامك يستحق انك تلوم او تعاتب او تبرر
          
          عشان نمشي لما نحس اننا في المكان الغلط 
          ‎وعشان نقدر ناخد قرارات مؤلمة في الوقت الصح 
          عشان نحب نفسنا قبل ما نستني الحب من اي حد 
          
          عشان نستحمل ندور علي حاجات وجعانا من زمان اوي 
          ونطلعها للنور ونتصالح معاها 
          لإن دفنها في حتة بعيد عمره ما كان حل 
          
          وعشان ال جاي كله
          وعشان نستاهل نعيش الحياة بنفسية سوية رغم كل التعب
          عشان هي دار شقاء اصلا فا مفيش داعي نشقي في كل الاتجاهات وعلي كل الدروب والاصعدة 
          
          عشان نهدي من جوة ونسَلِم ونسْلَم ونستسلم 
          ونبطل نعافر ونقاوح في سكك مسدودة بطاقة مش موجودة ومجهود فوق قدرتنا علي الإحتمال

لن اعتذر عن القسوه التي عليها الآن فلن يعتذر لي احد عندما كانوا سبب الخراب الذي بداخلي 

كنت حابه اقولكم واقول لنفسي 
          ‎الحق بيجي لحد تحت رجلين صاحبه وهو قاعد مروق على حاله ومش شاغل نفسه ينتقم من مين و ازاي ومن غير ما يضايق نفسه و يفكر كتير، المؤمن العاقل عارف كويس أن ليه رب ولا بيغفل ولا بينام ولا بيتهاون في حقوق عباده اللي ملهومش حيلة قبل اللي ليهم، ربنا عارف أننا كلنا بلا حول ولا قوة، وأن العزة والنصر في ايده هو سبحانه وتعالى وشهيد على كل لحظات قلة الحيلة والصبر على مرارة الظلم في أكتر الأوقات اللي الواحد كان محتاج ينهار فيها بس ظن الخير في  ربه وأتكل عليه واعتمد على عدله، ربنا موجود.

النهاردة انتو علي المسرح وانا من المشاهدين بس انتظار النهايه انا من يكتبها دوري في الحكايه استثناء لكنه اهم من البطوله 

كانت نقلة في حياتي وتفكيري لما ابتديت أدرك إن اللي بيغلطوا في حقي مش مضطر أدورلهم على مبرر، وإن تكرار التقصير معناه إن صاحبه عارف بيعمل إيه، وإني مش شرط أكون وحش وده سبب إن فُلان اتغير معايا؛ لأن فيه ناس مشكلتهم جواهم مش بسببي، وإن عتابي غالي وله حدود، أصلًا طاقتي على العتاب قلت جدًا، بقيت أحتفظ بيه للي يستحقوه وبس، بعد ما اتعلمت إني أمشي من سُكات، لما أحس إن مفيش أمل من المعافرة.

انا في مرحله هقوم منها ام خسرت نفسي ومش هرحم حد أو هقوم منها وامشي من طريق غير طريقهم وهسيب العداله لسماء وفي كل الأحوال انا خسرت روحي حسبي الله ونعم الوكيل

مازال هناك لقاء بعد. انتظارني  سأعود مره اخري ولكنها سوف تكون الاخيره لكي تعرف بشاعه ما فعلته ولكني لن انتقام من شخص كان يملك قلبي يوما . اترك عداله الأرض واتركها لسماء

لا تلعب دور الضحية مازال بيني وبينك لقاء ولكن ستظل انت الخاسر الوحيد باستطاعة الانتقام منك بأبشع الطرق ولكن لا استطيع ان اكرهك بعد .