العگربة

فيكي تشوفي قصتي وتنطيني رايك

عود شني معناتها لازم اكظم غيضي والي يتعدى حدودك وياي ما ادبج بمصارينه؟ 

لذلك بنات اطلب منجن واكون ممنونه اي تعليق إلي  بي كلام مو حلو مسبة أو غيبة ياريت تكتبولي مسحي حتى يجي إشعار وامسحه وتكون بميزان حسناتكم شكبرها لما تخففين ذنوب بنيه الله يردها الج أضعاف 
          
          وحتى انتو بنات انتبهن تره هذا التطبيق بي هواي صغار إذا يشوفون تعليقات تظل ببالهم ويستخدموها واحنه السبب النصير الانحلال الأخلاقي اتوب حتى سمعة مو حلوة تصير عالبرنامج
          ممنونتكم بنات والله يحفظكم ويرعاكم وتذكرت دائماََ الله فوگ الكل وشنسوي ربنا يرده أضعاف 

بسم الله الرحمن الرحيم
          بيان مهم جداً للشيخة تسواهن
          
          كُنت في ليلةٍ صيفية لاهِبة تسمط البعير افكر كعادتي واسترجع شريط الذكريات اختنگت من الفشلة والفطارية الجانت عندي
          ولاني متدينه بس ربع ردن رحت توضيت وصليت بلكي الله يسر دربي ودربكم بناتي
          خلصت واخذتلي صفنه من جديد الظاهر والله اعلم الثواب الدزو اليوم لحم مطايا ومقشمر عليهم الگصاب
          
          تسواهن:ايييه ايييه بالله هسه الواحد من يكبر يستهتر لو يعقل شمالج غمة وفوگاها مسوية روحها شيخة تهي بهي شيخة العفطية
          [نعم إخواني هكذا اجلِدُ ذاتي يومياََ]
          ومن هنا بدأت رِحلتي في تغيير جذري لكل معتقداتي وأساليبي في التعامل رغم الصعوبة
          بدأت من أهم شي وهو اسلوبي في الكلام
          
          تسواهن:اي يابه اليحجي مرهدن وما يفكر گبل لا ينطق الناس لا تحترمه ولا تأخذه بجدية ليش يگلكم احترم تُحترم وليش يگلكم لكُل مقام مقال وحاولت أبدى من أكثر مكان احكي بي وهو هذا التطبيق انصدمت بكمية الكلام سواء مسبات أو حتى كلام عادي 

خل امسلت شوية مادام اجتلي لحظة إدراك:
          بنات تدرن الفشاير كلها محسوبة من اخفها لاثقلها، سواء إلي فشرت عليه شافها أو لا
          وطبعاََ فد ندماااااااااااان وعلي هسه الموت ارحملي
          لأن صراحة الفاظي سوقية وهذا منتهين منه وإذا الشخص المقصود شافها راح تأثر عليه وفوگها ذنوب عالفاضي شنو قيمتها تضحكين وتصيرين شقاوجية بس بعدين تنصگعين على عيونج وتنكتب بصحيفتج وفوگاها تأذين شخص، 
          جان عندي حساب قديم وجنت مستلمة القصص وللأسف انحذف وماعرف ارجعه بس تعليقاتي موجودة وكل ما يقرأها شخص احصل إثم لحد ما يوم القيامة اتفاجأ بكمية ذنوب على جتافي لو جنت نبي هم ما ينمسحن، والاطگع إذا الشخص الي سبيته متوفي هسه ادفع ايشي حتى ارجع ذاك الحساب وامسحهن
          فبنات صدگني ممكن تكتبن تعليقات بدون مسبة بس تكون حلوة وخفيفة دم 

والله مال هسه احرگ البصرة بأهلها