wang_yi_bo_6998

အတ္တတို့ဖြင့်လွှမ်းခြုံသော က‌လေ zhanyi ပါ မှားထည့်ထားလို့ရှင့်

လွမ်းတယ်…
          အဆုံးသတ်မှာ မျက်ရည်ကျမဲ့သူက
          ကိုယ်ဖြစ်မယ်ဆိုတာ ကြိုသိနေလို့
          အစမလုပ်ခဲ့တာ
          စိတ်ဝင်စားရုံ၊သဘောကျရုံအဆင့်နဲ့
          ငြိမ်သက်နေတဲ့ကိုယ်ဘဝကို 
          ဂရက်မထစေချင်တာအမှန်ပဲ။
          အချိန်ကြာလာတာနဲ့အမျှ
          ဆားတွေရေမှာပျော်ဝင်သလို
          ကိုယ့်စိတ်တွေသူ့တစ်ယောက်တည်းမှာ
          နစ်ဝင်တော့မှာ ကိုယ်သိတယ်။
          ကိုယ်တို့မတွဲဖြစ်တာ အကောင်းဆုံးပါပဲ၊
          အနည်းဆုံးတော့
          ကိုယ့်သဘောကျပေမဲ့ တွဲနေတဲ့သူမဟုတ်တော့
          လွမ်းခွင့်တော့ရှိပါတယ်လေ။
          သူကကိုယ့်နဲ့သင့်တော်ပေမဲ့
          ကိုယ်ကမှသူနဲ့မလိုက်ဖက်တာ။
          သူရဲ့သူစိမ်းဆန်တဲ့ အပြုအမူနဲ့ 
          စကားလုံးတွေက ကိုယ့်အတွက်အဆင်မပြေပေမဲ့
          အချိန်အတိုင်းအတာ တစ်ခုရောက်ရင် 
          အဆင်ပြေသွားမယ်ထင်ပါတယ်။
          ခုချိန်တော့ သတိရပြီး၊လွမ်းနေပေမဲ့
          ပြောပြခွင့်မှမရှိတာ
          ပြောခွင့်မရှိအောင်လည်း၊ကိုယ်တိုင် 
          တမင်ဖန်တီးခဲ့တယ်။
          ချစ်မိသွားမှာစိုးလို့။
          အလှပြင်လို့ လူတွေကမလှဘူး
          ဝိုင်းပြောနေကြပေမဲ့ 
          သူအမြဲတမ်းကိုယ့်ဘက်မှာရပ်တည်ပေးတယ်။
          ‌သူကောင်မလေးရသွားပြီလို့ပြောတဲ့အချိန်
          လိမ်ပြောမှာထက်စာရင်၊ အမှန်အတိုင်းပြောပေးလို့
          ကျေးဇူးတင်တယ်။
          ကြားလိုက်ရတဲ့အချိန်က    
           ရင်ထဲမှာမီးလောင်ပြင်ဖြစ်နေပေမဲ့
          အမူအရာတွေမပျက်အောင်မနည်းထိန်းရတာ
          ကိုယ်တိုင်ပဲသိတယ်။
          သူကကိုယ့်ကို သဘောကျတယ်ပဲပြောခဲ့ပေမဲ့
          ကိုယ်ကတော့ချစ်မိသွားခဲ့တယ်။
          အဆုံးသတ်မကောင်းတဲ့ဇာတ်လမ်းတပုဒ်ကို
          ပြန်ပြောင်းတွေးရလောက်တဲ့အထိကိုယ့်နှလုံးသား
          ကမရင့်ကျက်နိုင်တော့၊
          အစမလုပ်တာအကောင်းပါပဲ
          အနည်းဆုံးတော့၊ငိုရမှာထက်
          တသက်စာ လွမ်းနေရတာ
          တော်ပါသေးတယ်။