Isa akong ambisyosa. Inaamin ko. Sa lahat ng bagay na aking ginagawa ay nagsisimula sa isang ambisyon. At dahil sa mga ambisyong iyon ay natuto akong mangarap. At dahil sa aking mga pangarap, natuto akong magsumikap at gawin ang lahat ng aking makakaya upang maabot ang aking mga ambisyon at pangarap sa buhay.

Lahat ng aking mga sinusulat ay mula sa aking mga karanasan sa buhay. Lahat related sa akin sa totoong buhay. Pangarap ko man iyon o panaginip lang. At dahil sa malikot at malaswa kong pag-iisip ay nakakagawa ako ng mga kwento mula sa isang bagay o sitwasyon na aking naranasan.

Hindi lahat ng tao ay kaya nating paluguran. Kaya naman alam ko na hindi lahat ng Wattpad readers ay aking maaaliw mula sa aking mga kwento pero umaasa ako na ako'y inyong tatanggapin kung ano man ako at kung ano man aking opinyon mula sa mga bagay-bagay. Ika nga mahirap magbago ang isang tao lalo kung ito ay mayroon ng sariling isip at paninindigan.