التخبل التگطع التجنن الحلوه الجميلة 🙂🎀

حــالــف
           اردهن دمعه دمعه
           موسكته تبجي بصوت اسمعه
           وتوصل وياي تبوس الجفوف
           واضـحـك
           واكلك ماكو رجعه..!

رکز بالكبور الـ مالهن زاير
           واكعد وي روحك واصفن لباچر
          هذا انت .. 
          وكشختك والعطر والحيل
           تاليتك مثلهم تكسر الخاطر 
          مو ربعك ! 
          اخوانك زين اذا ذكروك
           مكانك فارغ وديوانهم عامر ..
           شما دارت سنة زاروك يقلون
           وكبرك يتيهونه بيا فرع صاير .

شجَاها الـرُوح يَمك 
          ذَبت الاسرار وليَش 
          أرَجف عَليك وينُخطف 
          لُوني ؟ وحَتى الناس 
          كامت تُعرف بهَالحال 
          ما اعَرف شكلهم مَن 
          يسالوني وينطُبون بصفنتي 
          وعَنك يدَورون ويلكوني
          افگر بَيك يلكُوني .

حَسبالي لهفة گلبك تدُوم
          طلعت رسِم ع الرمُل مَرسوم
          مِن اكَعد گبالك صاير تكُوم ..
          ثاري المحَنه مُوش تَعلُوم .

خسرتك وخسرتني وماكو ربحان
          بس انت الردت هاي الخساره
          وعفتني وما كرهت ايامي وياك
          الگلب ثابت ولا غير قراره
          وگلت آخر جگاره اشربها وانساك
          وذكرتك من شربت آخر جگاره ..

أقنع الرُوح شيقنع النواظّر 
          إذا للساع وجهَك حاضِن العين 
          شيشلعَك ؟ نظر بالعين صاير 
          گمت كل يوم أكول لباچر أنساك 
          ويجيّ باچر وأكُول ، گلت باچر .

خذني يمَك .
           كُلشي مِن دونك
           مَلل فرحة اصَيرلك لو
           يمُر بيك الزعَل .
          خذني يمَك گلبي منك ما يمل
           خذني يمَك .
          انه الك ديرة واهل .

 مو طبع الجبل ينجر بالحبال
          ولا طبع الاسد يحتاج حراس 
          مو كلمن ركب على الخيل خيال
          ولا كلمن يشيل السيف فارس...

شَطيِن ياخذنه الندم
          ونضل عطاشه أبابكم
          جبنه الفُرات بهيبتَه
          وما طفه حَر صوابكم
          چا ليش خاويتو الجفه؟ 
          وگلوبنه محمله وفه
          ولا فض جرحنه ولا شفه 
          ولا بخت عدنه وجابكم..

اقري نهاية بلا مفر بين متنزل همس الظلام