wrinkling heart

මම දැන් අඩන්නේ තනියම
          වෙනදා එයා නැතුව 
          අඩන්න බැරි මම
          අවුරුදු ගාණකට පස්සේ 
          ඉන්නේ තනියම
          
          ආදරේ කරන්න දන්නේ
          නැති මම
          ආදරේ නොකරම
          හිටියනම්
          මේ කිසිදෙයක් මෙහෙම 
          නොවෙන්න තිබ්බා
          
          එයාම ගලවලා දාපු
          පවුර
          ගලවන්න නොදි තිබ්බා නම්
          එයත් හොඳින් සතුටින්
          ඉන්න තිබ්බා
          
          මෝඩයෙක් තෝ
          හිත අන්තිමට 
          කියපු කතාවට
          කවදාවත් නැතුව
          මොලෙත් කැමති වුණා

ඔයා හිතනවද ඔයාගේ ළඟ ඉන්න මිනිස්සු ඔයාව හැමදාම තේරුම් ගනි කියලා. හැමවෙලාවෙම ඔයාගේ ළඟ ඉදි කියලා. 
          
          එක ලොකුම ලොකු බොරුවක්. ඔයාගේ හිත රවට්ටගන්න  හොඳ බොරුවක්.

මතු යම් දිනයක කියවීම උදෙසා ලියා තබා යමි.............
          එකදු දිනයක හෝ මා සතුටින් තැබීමට උත්සාහ කළ ස්නේහවන්ත මිනිසුනේ 
          අනන්තයක දුර ඇතැයි සිතූ තරුවලට මිලි තප්පර භාගයකින් යා හැකි බව පසක් කර දුන් මිනිසුනේ 
          කඳුළු වලට කලියෙන් හදවතට තට්ටු කර ආදරය බෙදා දුන් දයාවන්ත මිනිසුනේ 
          හිතන්නටත් පෙර ලඟට වෙත් සැනසෙන්නට කතාවක් කියූ කඳුළු කතා බොහෝමයක් සැඟවූ මිනිසුනේ
           
          මතු යම් දිනයක අප වෙන්වෙනා බව දන්නා වුවත් ආදරණීය මතකවල ඉමහත් උනන්දුවෙන් මතක සටහන් ලියූ ඔබ සියල්ල  අව්‍යාජමය වූ සිතුවිල්ලක හදවතේ පතුලේම ලියා තබා ගැඹුරුතම මතකයන් අතර සඟවමි. 
          
          අවාරයේ ආ දෙනෙත් කඳුළින් පෙරවා සුසුම් බර කල මිනිසුනේ....
          කාලය තුළ ගලා ආ අත්දැකීමක් ලෙස මතක අතර රඳවා අනික් සියල්ල අමතක කරමි. මන්දයත් අතීතය මතක සිතුවිල්ලක් පමණක්ම වන නිසාමය.

හිතේ කෙළවර බරට දැනනම
          ශේව්ත තිර මත ඇදෙන රූපම
          හිතේ කෙළවර හාර හාර
          සෙව්වේ කිම් දැයි සොයා බලනේමි.
          
          මනෝභාවය එකලු කරගෙන
          බෝයිස්කෝප් නිලි තිරය සරසන
          ඇසෙන නොඇසෙන හද කොනක හිද
          කීවේ කිමදැයි මමත් නොදනිමි.
          
          වහින්නට පෙර පොද වැස්ස එන
          කලම්බන මනෝලොව සිතළු
          එක පෙලට එක දිගට 
          දිගහැරෙනවා කම්මුල් දිගට