writer822

هو انت ايه رايك في حوار التأسيس قبل سنه مهمه يعني مثلا تانيه بكالوريا دي كأنها تالته ثانوي وانا في زمايلي بيروحوا تأسيس نحو وكدا قبل الدروس ما تبدأ ،هو انا عن نفسي شايفه أن دا إرهاق اصلا ليه الواحد يبدأ دروس من شهر سبعه لحد شهر ٦السنه الجايه وياخد اجازه شهر واحد بس ،بس في نفس الوقت خايفه يكون التأسيس دا بيفرق لأن لو بيفرق فهحب اروح لأن مش عايزه حد يكون احسن مني في أنه يكون اشطر مني بسبب التأسيس ده ،هي مش غيره أوغل والله بس انا مش بحب حد يكون متفوق عليا ف الدراسه زي اي حد طبيعي يعني مثلا يعني أنا لو ذاكرت عادي اول بأول بدون تأسيس هيفرق عن اللي خد تأسيس  

أنا صاحبه”صراحه 43“ عارفة إن الموضوع عدى عليه وقت، والوقت فعلاً عدى بسرعة، بس لسه لحد دلوقتي فاكرة الكلام اللي اتقال وقتها، يمكن علشان اتفهم بشكل مختلف عن قصدي أو يمكن أنا كنت حساسة زيادة عن اللزوم زي ما اتقال لي. 
          
          أنا مكنتش أقصد أهاجم أي حد من أهلي خالص، بالعكس أنا مقدّرة جدًا تعبهم وخصوصًا ماما وبحترمها جدًا، وعمري ما كان في تفكيري إني أقلل من بابا أو أستكتر عليه أي حاجة. أنا كنت بس بتكلم عن خوفي الشخصي من فكرة الجواز وشكل الحياة بعده، ويمكن عشان لسه صغيرة شوية فببقى بفكر في الحاجات دي بقلق طبيعي.
          
          بصراحة لما شفت ردك وقتها استغربت ، وقعدت أراجع نفسي وأسأل هل أنا فعلاً وحشة أوي كده أو ناكرة للجميل أو مجرد إني أعبر عن خوفي يبقى حاجة غلط ، الكلام فضل في دماغي فترة. 
          بس مع الوقت هديت وفهمت إن يمكن كان فيه سوء فهم لطريقة كلامي، وكمان لأننا في النهاية مش عارفين بعض بشكل شخصي، فطبيعي كل واحد يفهم التاني من اللي مكتوب بس. 
          
          أنا مش زعلانة دلوقتي، وبكتب الكلام ده بس عشان ارتاح و يمكن كلنا أحيانًا بنحتاج نفكر بهدوء قبل ما نفسر كلام غيرنا بشكل غلط او غير عادل.