writer_marcy
مر وقت طويل و ما جيتكم … لدرجة شبه نسيت انه لي حساب وهو من الحسابات الأولى لي و في ذكرياتي و كثير اشياء لي و كثير كونت صداقات فيه …
فتحت حساب جديد و بديت رواية جديدة بس قديمة ، روايتي اللي كثير كنت احكي عنها و من ٢٠١٨ …
سميتها السادس من نوڤمبر و حبيتها أكثر من أي شي بحياتي …
في بداية ٢٠٢٣ نجحت توجيهي متأخرة كم شهر عن بنات عمري اللي تخرجوا من ٢٠٢٢ … و هيني بشوف بعض بنات دفعتي بتخرجوا وانا بعدني ما دخلت الجامعة …
صح شوي زعلانة لاني بعدني ما دخلت وما بعرف متى ادخلها ، بس اللي زعلانة عليه هو الدراسة ، انا حد بحب الدراسة بشكل مو طبيعي و كثير حاولت الاقي طُرق ادرس فيها بس ما قدرت …
بس بالمقابل صارت معي كثير اشياء حلوة ، منها عالجت فكي من الموت ، و بعدين عالجت جسمي و بعدني مستمرة مع انه ما فيني شي بس بحب احافظ ع جسمي صحي
طورت من طريقتي الكتابية و طورت من حالي و بس صرت مستعدة مع بداية السنة هذي نشرت حبيبة عمري ، صح انه بطول وانا بكتب بالفصل الواحد منها مش زي باقي رواياتي اللي قبل اكتب اربع روايات بنفس اليوم و هسا باخذ شهرين عشان اكتب بارت واحد …
كم شهر و رح اصير عشرين و بعدني احس حالي صغيرة عمري ١٢ سنة و من يومين بلشت كتابة …
ما بعرف ليش فجأة صرت افضفض بس جد مشتاقة لكم و لحسابي بشكل كبير بس بنفس الوقت كرهانة الحساب و مو قادرة اتقبله بسبب كثير شغلات ..
