x1f_om18

تبوكة حبيبتي وعمري، شلونج يا رب تكونين بألف خير وصحة وسلامة. ما تتخيلين شكد مشتاقتلج وشكد بالي يمج وبسوالفج. يمر اليوم واني أتذكر كل حجينا سويه ، وأكول صدك الشاشة تجمعنا بس غلاوتج بالروح خلتج أقرب من كل الناس.صحيح إحنا معرفتنا إلكترونية ومن وراء شاشات، بس وداعتج غلاوتج بالكلب أكبر من كل مسافة تفصلنا. أنتِ مو بس صديقة نت، أنتِ أختي الي ما جابتها أمي، والإنسانة الي أفرح من كل كلبي لما أسمع صوتها أو أشوف رسائلها. أتمنى الأيام تجمعنا بأقرب وقت ونلتقي على أرض الواقع ونكعد ذيج الكعدة الحلوة، لأن صدك مشتاقة لتفاصيلنا سوة. طمنيني عنج وعن أحوالج بالتفصيل،.. وديري بالج على نفسج هواية، يا غاليتي ويا بعد گلبي وروحي انتي الله لا يحرمني منج، يا غاليتي