Naiintindihan kita. Oo.
Pero hindi ko maiwasan kung hindi isipin kung kelan yung ako naman yung maiintindihan mo.

Hindi mo na kailangan makilala ako
Hindi mo kailangan malaman kung sino ako
Ang kailangan ko sayo
Ay maintindihan mo ako
Sana maramdaman mo 
Na hindi kaibigan ang kailangan ko
Kung hindi ikaw na mambabasa ko
Na pakikinggan ako
Sa bawat mensaheng ipinahihiwatig ko
Na babasahin ako
Sa mga panahong nakatikom ako
Na iintindihin ako
Sa bawat salitang isinasambit ko
Kapag nagawa mo
Ng buong puso
Ang bawat sinabi ko
Hayaan mo
Magiging magkaibigan TAYO
At ako naman
Ang uunawa sayo
Ang makikinig sayo
Ang magbabasa sa pagkatao mo
Ang iintindi sayo
At ipararamdam ko sayo
Na hindi lang dapat puro AKO
Na kailangan mo rin isipin ang SAYO
Kaya kaibigan, pakiusap ko sayo
Tabihan mo ako.