عـدت مشهـد ضحكتـك بـس لگيتـه رمـاد
طفـه وَيَ غيـري بــس بوجهـي طشـيته
وَ علي يفتــل غــــرورك مـو هـــــواك دخــان
و العـــذيبي إلــيهـــب عطـاب  ســـوّيته
هــواك لشمعتي ســـولف بطـول الخيـــط
شعــل روحي و حنيـنك بيـه طفـيته
و فجـرك هــوى يمرني و مــا إشتمــّـيته
أثــر طعنـِــتك زنجــــر والخنـــــاجر بيــض
عكـــس گلبــــك وياي إلـمــا صفــت نيــته
أنـا دمعــة غريـب بكـل سهـــولة تطيـــح
جـــدمي لذكريــاتك ليـــش ودّيتــــه ..؟
فراغــك و الگبـر يتشــابهن بالعـين
منـــو منهــن يعيـــش بـــــروحي وصـّــــيته ..؟
بـ ظَـهر كلمـن يمرنـي تسافـر الدمعـــات
بـس إنـت عليـك العمــر بــدّيته
إذا تمشي بخيـالي تعثـرگ اللحظـــــات
إلــ بيـــــهن جـــــدمك ويَــــه الغيــــر مشــيته
بعـــد لتـــوَدّي طيفــك ليـــلي مــا بي شـوگ
إجـــاني و بـاب جفني بـوجهـه سـدّيته