xll_lw
حماس اليوم ثاني يوم عيد و شفت اهل امي و طاح مطر لمده ٩ ساعات متواصله و حصلت عيديه و صارت فعاليات وايد (≧▽≦)
xll_lw
xll_lw
تعبااننن
صار لي مليون ساعه ما نايمه
تعبن طاقتي الاجتماعيه خلصت ، سلمت على مليون حرمه و كليت مليون حلاوه و الصداع مليونن >.<
xll_lw
بموت حماسسس
اليوم اول ايام العيد و احس بصيح ما قادره انام
المفروض انا نايمه من ٥ ساعات لكن عيني ما رضت تغمض ولا لثانيه (≧▽≦)
المهم حماس و حزن لان باجر العيد و لان رمضان خلص بسرعه >.<
xll_lw
آخخخ كيف احب الروايات الي نهايتها سعيدهه و قسم فراشات طيله الليل و انا أصيح و على اخر فصلين راح الحزن ولا كأنه كان موجود (≧▽≦)
في روايات صح نهايتها حزينه لكنها منطقيه ( ╹▽╹ )
المهم يتم الحب و يتم الفرح (≧▽≦)♡
xll_lw
HAPPY BIRTHDAY TO ME ♡ッ
xll_lw
يبوي تعبان
الزكام و الصداع فجروني
ما قدرت انام غير ساعه و نص و صحيت مره ثانيه للصلاة
و توضيت ب ماي بارد بالغلط و الحين فجر و الجو ثلج بس شسوي حسبي الله
بموت و قسم احس بالدنيا تدور و راسي بيتفجر
xll_lw
برو ليش كل الي حولي ناس مريبه
و قسم يعني صايره سالفه من ثلاث ايام مع حرمه مرييببهه تخرعني
اول شيء يوم الأحد رحنا نصلي التراويح ف المسجد و كان في حرمه يعني كذا كبيره شوي عمرها ف الخمسينات و كذا
المهم كان في مجموعه كراسي تعيق سجودها و مضيقه عليها المكان ف انا رحت شليتهم و حطيتهم بعيد و هي شكرتني و خلصنا
المهم يوم الثلاثاء رحنا نصلي و كنا متأخرين شوي ف صلينا ف الملحق الخاص ب مصلى النساء و هي كانت مناك ، المهم صلينا خلصنا و هي وقت الدعاء كانت تطالعني بشكل مرههه مريب يعني حرفيا الناس مركزه مع الشيخ ف الدعاء و هي مركزه وياي مدري شفيها ، حسيت فيها تناظرني و لقيت راسي جهتها لقيتها تفجرني ب ابتسامه مريبه ، المهم خلصنا دعاء و وتر و بغينا نطلع الا توقفنا و يلست تسأل اسأله مال امها داعي و قسم مريب ! يعني سألتني وين نحن ساكنين و نحن من وين و انا ف اي مدرسه ادري و هل انا كليه ولا جامعه ولا متخرجه و كانت تلف و تدور ف الأسئله عشان تحصل اي جواب مني ، المهم نحن رحنا عنها و عطيتها كذا اجوبه يعني بسيطه و ما واضحه مره و مشينا و خليناها
اليوم شنو صار ؟ كنا نصلي و هي جت بعدين وقت الدعاء كانت تدور حوالينا و نحن ندعي و قسم ! يعني مره مريبه نحن ندعي و هي تناظرنا ما عبرناها ولا عطيناها وجه ، لما شافت أن نحن ما معطينها وجه جت تكلمني ! بس كذا يعني اونها مسويه تسلم و انا يالسه ادعي ! برو يعني اركز على دعائي ولا عليج ؟
المهم امي كانت شوي و تهاوشها لان حركاتها مره اوڤر و واضحه وش نيتها ، خصوصا لأنها سألتني عن دراستي و هل انت ف الجامعه و هيج !
مريببببب جدااا ರ_ರ
xll_lw
امي تقول ان ذي الحرمه تبا تخطبني لولدها لان حركاتها كذا تبين ، ياخي و قسم مريب يعني انا ما اعرفها ولا تعرفني و ما شفتها الا ثلاث مرات بس و ما ابا اتعرف عليها الصراحه لاني ما مرتاحه لها =_= و ما اتخيل تطلع جذي اسبابها و نيتها لاني بعدين بنصرع ، يمه الفكرة بروحها بوفيا
xll_lw
بصيح يحزن
توني خلصت مسلسلي و نهايته كانت مره حزينه و قسم
صار لي ساعه أصيح و احس ما بتخطى ، يحزن ಥ_ಥ
xll_lw
يماما توني شفت التاريخ و استوعبت أن باقي 10 ايام على يوم ميلادي
يحزن ليش صرت اكبر بسرعه
اذكر لما كنت ياهل كنت اتمنى اصير كبيرة عشان اكون مستقله و هيج
الحين ابغي و يا ريت لو ارجع صغيره >.<
xll_lw
شفت جراده بعد انقطاع سنه و شوي
و احس بستفرغ ، اقسم بالله قشعريرة غير طبيعيه
اكره موسم الجراد كره ما طبيعي ما احبه ابدا يع يعع
يعني استغفر الله صح له فوائد للنظام البيئي و إلخ لكنه مقرف مررهه
اتمنى ما اصادف وحده غيرها لاني بموت من القشعريرة و القرف ⊙﹏⊙