xuv_d77

دن دن دن

هايييي دن دنن

رجعتتت

بحبك

يا عمري جاي تمرين بضغط السادس انصحج فد نصيحة و هو انو ابد لا تلحين بالحزن و القلق و التوتر كلش يأذي والله عشته و تمرضت حيل اول مرة بحياتي هيج صار وياي غير عن نفسيتي و النوب فترة مرضي صارت بفترة المراجعة ما جنت اكدر الزم الكتاب من الوجع كل الاعضاء تجمعت علي وكتها معدة و قولون رحم و الكلى و مرارة و اوجاع الظهر مو طبيعي شكد شفت الم كله بسبب القلق و التوتر و الحزن لهذا السبب اكلج لا تبالغين بالحزين و القلق و التوتر بالسادس تصير هواي شغلات بس اتذكري انتي الأهم صحتج نفسج طز بكل شيء امتحان و ما جاوبتيه زين هذا هو خلص هذا جان المكتوب لا تلحين بعد عليه و انسيه و فكري بباقي المواد اني وصلت لدرجة بس ردت النجاح و اخلص رغم اني جنت سجاجة بس حظي هيج صار بالسادس و ابد لا تستمعين للخوف و التهويل الي يسووه الناس و يشوفون السادس جنه مسألة موت و حياة كله بسبب هاي الأشكال الطلاب كامت تخاف و تفكر بألف فكرة بنفس الثانية لا تسمعين الهم اقري يوم و يوم لا تراكمي المواد عليج و امتحني نفسج و عيدي الي قريتيه كل فترة اذا عندج وكت و سالفة الأسئلة الوزارية عادي لا تقري كلهن اكو بيهن مال افكار تجي صعب عليج ذني اقريهن لان يجيبوها بفرع ابو الوزاري هيج يحب مو كل الوزاريات لازم تحليها و تتأكدين اغلبهم نفس الفكرة بس بمنطوق مختلف انتي حسب فهمج اقري الي تحسينه صعب عليج و ان شاءالله يارب تطلعين من السادس من اول سنة و اول دور كون يكون السادس مثل الماي عندج 

دانيتي، أعرف  السادس مو مجرد سنة دراسية، هو ضغط وتعب وسهر وأيام تحسين بيها إنج ما عاد تكدرين تكمّلين، يمكن مرات تبجين من التعب، ويمكن تحسين إن الطريق طويل وما يخلص، بس صدگيني كل هذا التعب إله نهاية، ونهايته فرحة ما تنوصف.
          كل صفحة تقرينها، كل سؤال تحلينه، وكل مرة تكومين وتدرسين رغم التعب،  كلها تقربج من حلمج.
           النجاح ما يجي بسهولة، يجي بالصبر والاستمرار، وإنتِ عندج القدرة تحققين اللي تريدينه. 
          لا تخلين يوم صعب يخليج تشكين بنفسج أو بقدراتج، لأن الأيام الصعبة تمر. 
          إذا حسّيتي إنج تعبانة، ارتاحي شوي ورجعي كملي، ولا تعتبرين التعب فشل، حتى الأوائل مرّوا بلحظات تعب وإحباط. 
           لا تقارنين نفسج بغيرج، لأن لكل شخص طريقه وسرعته، المهم إنج كل يوم تتقدمين. 
          تذكري دائمًا ليش بديتي، وتخيلي شعورج يوم تطلع النتائج وتشوفين تعبج كله تحول إلى نجاح وفخر،
           تخيلي فرحة أهلج، وفرحتج وإنتِ تحققين المعدل اللي تحلمين بيه،
           هاي اللحظة تستحق كل تعب تمرين بيه اليوم.
          وأريدج تعرفين إن آني مؤمنة بيج، وأعرف إنج تگدرين توصلين مهما كان الطريق صعب.
           لا تستسلمين لأي لحظة ضعف، لأنج أقوى منها.
           ثقي بنفسج، ادعي ربج، خذي بالأسباب، وكملي خطوة بخطوة
           وإن شاء الله أشوفج من المتفوقين، وأشوف الفرحة بعينج يوم يتحقق حلمج. 
           الله يوفقج، ويقويج، ويكتب لج النجاح والتوفيق من أوسع أبوابه.
          
          احبج هواي هوايي

هدوءء

اي شنو رح تسوين

.. 

داني شنو نمطج؟