.

ابني يمه ابنيي راح من اديهه علاوي نضر عيني امي انته وينك 
          
          تصرخ وتلطم منهارة بهل لحضه دخل هو يباوع بعيونه ويبجي هي من شافته تخبلت ركضت عليه تضرب بصدرة وتصرخ 
          
          -سويته وللللك سويته شلووون انطاك كلبك كلت تحرك كلبي ابني يممه ابني مو بس حركته لكلبي هجمته ولك شسويت اني شنو ذنبي حتى هاي تالتي تكتل ابني حتى تنتقم مني 
          
          تحجي وفلشت صدرة من الضرب طاحت بالكاع لاتشيل ايد ولارجل ركضنه كلنا عليه غسلنه وجهه وهي فاقده دخلو اخواني شالوة واخذوها للمستشفى   واحنا بالضيم حالنا فرحنا تحول عزا
          
          بجيت واني اتذكر شصار البارحه شلون كلنا جنه مجتمعين ونركص فرحانين بحنه اخوي ما انحس اله صارتله خبصه طلعنا ونشوف علي منكع بدمه شايله ابوه وهو كل نفس ماكو منه مات بساعته السيارة سحكته وكسرت ضلوعه تكسر مشهد ماتمنا للعدو 
          مات علاوي واليوم السابعه مالته حجت اختي بحركه 
          
          -هو شلون يجي شلون فوك ماكاتل تعب سنينه المن طب وخلاهه تشوفه 
          
          همست
          -احسن خل تشوفه هسه وتنهار ولا تشوفه كدام رجله   ونشتهر 
          
          -عليمن نشتهر جان يريدهه وتريده وابوي مانطاه اله شني يعني كفرو 
          
          -نسيتي نسيتي شلون وكف بنص الصاله وصاح بوجه احرك كلبج مثل ماحركتي كلبي 
          
          لطمت على وجهه بحركه
          -جا يحرك كلبه بضناهه ولج تعب سنينه سبع سنوات هي تتعالج علمود طفل يمه حتى تهنو بي من صار وليجاي ساكنه المستشفى بي
          
          اجت مره ابن عمي يمنه بطنه لخشمه وبنيه شايلته على ايده وحده تمشي وراة كالت وعيونه تجري
          
          -وداعت الله وبيته مامتقصد كون  متقصد يعفي عنه ابوة وهو حتى السابعه مامخلصه 
          
          ....
          
          2024/3/20
          https://www.wattpad.com/story/365332633?utm_source=android&utm_medium=link&utm_content=story_info&wp_page=story_details_button&wp_una

منو ادهم