@xzcvil
ناري ما تطفىٰ ولا نارك طفت
وعيني گبلك تبجي
اذا عينك بچت
يالعزيز الما غبت عن بالي لحظه
ما اگول انتَ بعدت وشلون اظلمك !
ومن يذكرونك گبالي
يبين بوجهي القلق
لو جابوا اسمك
انتَ نقطة ضعفي انتَ
لو احب ثاني ارد وارجع واحبك .
أحچي وياك وَحدي، وإنتَ ما مَوجود
وأُسولفلك عليّ، وإنتَ مو يَمَي
وأصيح وأشتكيلك، وأصرخ من الآه
ولا جَذنّي أشتكيلك، وأحرّك بدَمّي
تِلِم بيّه حَطب، لا تگلي المَن بيك
لأنّ جَسّك بَرَد، ما كِتلك لِمّي
ولا قَلبك عليّ، وتِحزن من أرتاح
وتغنّي من الگلب، من أغرّك بِهمّي
فَصْمة أَنه وتْطمّنّي، وبَس أضُوك الماي
أصعَد على التُراب، الگيف بِطْمي
وأخْضَر يا خَضار، وأعلَه فُوك الگاع
وينذم اللي يذمّني، ويصغَر بِذَمّي
بَس هيّ المُصيبة، شوكت أگضّ الماي
وأفُكّ حَلْگ القفص، وَيطـرن جَلْمي
وأَدلي عَلى الطَعَني، وقاصَت الأسْرار
أَكْسرها، وأُطُشّ عَلى الخَلَك همّي
وأحُطّ حَد للقلق، والخوف والوَسواس
وأحاسبها الجُفوف، اللي كثّرت غَمّي .
ضُمني بلا هَلا مِن الناسّ
ضُمني مِن العيُون الفاهيَّه بدُونك
علگنِي إعله رمشَك طيَّف
أحِب مگابَل عيُونك.
وين الله و أشوفك و اگعد وياك
و تموت المسافة وتنتهي بملگه
و ازرعها بورد كل ذيچ الدروب
الكبل جانت علينا بنار محترگه
تعال لخاطر الكلشي جان وياك
تعال لگلبي كلش خلص خلگه
لو انت الترد لو خل يجيني الموت
خل تخلص أيامي لو تخلص الفرگه
الباب اللي يعذبك سده و أرتاح
و أقنع شلون روحي لبابك تطبگه
أسمك و الهوا نفس الطعم بجفاك
يمر ريتي عذب و يعوفها بخنگه
و ما ارهم لغيرك حتى اعيش وياه
بعد سواد عينك شلي بالرفگه.
أدَري بِعلاقَتنا مُستَحيل تَدوم
و أعَرف هَي قِسمَه و أنتَ ما مَقسوم
أودعَك مِبتسَم و الجَرح فُوگ لهدوم
و أرجَع مِن عِشَرتَك مِنتَصر مَهزوم
مِن تَفكِيري شَلتَك غَير عَني تِغَيب !
شِعدهَن ذِكرياتَك يَچن وَقت النَوم ؟
و شَنو مَعناهَا أفَكر بَيك عود انساك ؟
و شَنو مَعناهَا عِفتَك ما تِرَكتَك يَوم ؟
و مَن ينذَكر أسمَك مِني تِطلَع آه
حَتى و آني گاعِد أحس رُوحي تگوم
أريدَك لو كِرهتك ؟
عِفت لو مِشتاگ ؟
انسَاك أبَقى أحبك ؟
بَعد ما مَعلوم !.
اسألني مره عني شگد أحبك
وأسمع انت الرد
گد ماتنبُض وترمش أنت
عينك حُبك سِما بلا حد
عَينك بعيني تجي
وأنسى انا كُل الحجي
وياك، وياك كُل جروحي أنا نسيت.
شلون أنساك؟
أحبك من الأبهر و أعبد السواك
لو شمرة فراش
البي مرض يعدي
يشمروني ولا فرگاك .
كُلشي يهُون
بَعدك حتى كَلبي يهُون
بس وداعِتك وَدي أفهم شلونكَ؟
خلص كُل الحچي وانساك
بَس ، شنِساك ؟
جَيب اليشطَب من الذاكرَه " عَيونك " .
روحَ براحتك
شتسوي مرخوص
هذا آخِر كلام
البينك وبيني
طحت من عيني
اول ما نمت زعلان
ولو ترجع نبي
ماترجع العيني .
چنت أحِبك بالخفية
ومَا اگلك
خَاف اخسرَك
مِن لگيتك تيهت
كلشي بحَياتي
وركزت بَس إعله طولَك
مِن لگيتك حِلت
الدِنيا بَعيوني
چانت الدِنيا كئيبة
وأنتَ اجيت وكحلتهَا.