_iti_17
---
حسين عنك رايحه رايحه رايحه
مودع الله وجلمة الخوه أمانه الليله يمك
ضلت بكلبي وانه على الناگه كون انزل وأشمك
موش تنساني يبو سكينه يخويه بداعت أمك
ادعيلي يالكلبك حنين
كون أرد بالاربعين
خويه يمك، كون أجيب ناَيحه
رايحه رايحه رايحه
---
حسين راح امشي وأعوفك ضال وحدك عالترب
أهون من أختك يخويه تمشي وي وادم غرب
خويه عيوني تتحمل فراكك بس شسوي لهل الكلب
يكلي ضلّي بالوفه
شلچ بدرب الجفه
كلبي شوكك ذابحه
رايحه رايحه رايحه
---
حسين راح امشي وأعوفك نايم بحر الضهر
حتى ما جلبت بيه ولاَ كلتلي ليا كتر
وجنه ما عشناها سويه، ولا كضّه وياك العمر
ضلت عيوني عليك
عاد بس أشر بديك
تلكه روحي بكثر روحك طايحه
رايحه رايحه رايحه
---
يا عمر عشته بدلالك ضاع ما جني عشت
هاي تاليها العزيزه البارحه بهيمه بتت
حسين من ركض وراه بركضتي بصفك طحت
حتى ما حركت أديك
وانّه منتكّله عليك
عليك يوم اللي عبرتك
عيني ضلت شابحه
رايحه رايحه رايحه
---
حسين رُدّت وياك أضلِّن بس شمر كلّاي مات
ماتت وياك السوالف والعشك والذكريات
بعد لا تحلف بخدري لاَ تِذِيه بسَدّ البنات
حسين گم مره متّت
مالت الله تهذّلت
ششتكيلك عين خصمك جارحه
رايحه رايحه رايحه