yaa__14
ليش بارد جان ردك واني ڪاتبلك رسايل بيها تدفا شڪد يتامه وليش ڪل ليليه اموت بطرك روحي ومو بحضنك وانت مدري بيا حضن ليلك تنامه شامتك جي تدري احبها ڪمت تتعمد تصور بالجـها المابيها شامه وصورتك ڪل نيتي اشڪه اوڪسرت ڪل جامه بيها ورحت ادورلها ع جامه وعيني مدري شصابها وفقدت نضرها مدري ياهو الباڪها عيوني ونسا بيهن لثامه ليش رافڪت الغراب بڪل محطات الظلام وبين بقلبك ظلام واني منتضرك تجيني وغير جنحك ماردت غيركحمامه جارڪم سولفلني عنك ڪلي فتش شڪو بقلبه يجوز يعشك بشر ثاني وحيل غشاني بڪلامه ورحت افتش ثاري غيري بقلبه ڪاعد توها ناصبها خيامه هاي تاليت اهتمامي دازلك وادم يراضون ونرد نرجع حبايب وترجع لشفتي ابتسامه واني جنت وياهم بيوم الاجوك وبذني اسمعك من تڪلهم هوا عندي انسان عادي وما احبه ولايبالغ بـ اهتمامه يافشلتي ڪبال ناسي عيشتني بيومها بحالة ندامه ڪلشي ڪام يضيع مني وڪلشي بيه تهدم وماضلي شي شهل خراب البيه عفـته بروحي صار شڪم غيامه،