yaso_95
لَيــِش بلحضه آحـبُ الموت والدفان
بس انساها كلها يوم اشوفنك
yaso_95
yaso_95
كُن بسيطاً مُسالماً في كُلِ شيء إلا في أحلامك،أنتزِعها من يد الحيَاة بقوة
yaso_95
ولك حنيتلك يالماتحس بيه
بعدها سوالفك تلجمني ليليه
صرت بعدك صور ومعلكة بحيطان
وغير تراب هجرك ما يمر بيه
رحت بس ذكرياتك ما اخذتها وياك
وغيري استوطنوك واني منفيه
شكد صعبه البديك ومن اديك يروح
وحنيتة يصير للما بيها حنيه
تمنيتك تحس والبيه بيك يصير
تدري شكد الم بدموع لبنيه
كفر ويه غيرك ابقه وروحي لسه وياك
لا منطيتة شوكي ولا الك جيه
هو:
ياهو الكالج ما جاي احن واشتاك
وياهو الكالج مااموت يوميه
هية ابيتي بس انتي ويه دمي يدور
وعلى اسمج من اجت سميت لبنيه
وشبها هواي منج تضحك بملكاي
بس الوكت الدمع تنطي الشبه بيه
يدفعني العشك للملكه واتعناج
واجي يم بابكم وتخوني ايديه
وارد وركه بهوى ماتدري وين تطيح
بس الادري بي ماصافيه النيه
وشابهت الحرامي المايعرف يبوك
واني اول حرامي يبوك حنيه
هي:
الحركة سولفت ادري الدرب مسدود
بس اشتاكلك يمته ابتعد وانسى
حرت بين البعد و يجوز و الميجوز
شكد صعبه اليحب ومو ملك نفسه
المهم شخبارهه تحبك..تخاف عليك
هم تختار لون القاط التلبسه
اثاري الموت يوصل للبشر مرتين
اذا دفنو واذا صار بغصب عرسه
هو:
ياقاط اليلبسة الجرحه فيت ويا
وانا مخلص ضواي ووحشتي بروحي
كل يوم بجرح من فركتج لليوم
شمايكثر بعدنا ي كثرن جروحي
تعدانه الوكت مدري احنى عدينا
yaso_95
صدگ وترد!
صدگ يبزغ فجر جيتك!
وأسولف يمك وأگعد!
صدگ قداح حبنه المات
يروه ردود ويورد!☘️
yaso_95
هم تشتاگ،هم تحجي
هم تتحسر وتبجي
هم الگلب يوجع بيك
وتذكرني من تمشي
يل باكوك من حظني
ومن عندي خذو كلشي
وصار الفرح ماينشاف
وحزني ساكن برمشي