yathr_eb

الرواية الرباعية التي قلت عنها متى تنزل 

فصل فنان من رواية " في ثلاثة " هبط توا ✨
          استمتعوا ❤
          https://www.wattpad.com/story/400920095

متى ينزل بارت من في ثلاثة أنا متشوقة 

غدوة فصل في ثلاثة مانيش ناسيتكم ❤❤✨✨

عسلامة يا عسلات... برشا بوسات ليكم قطوسات ❤❤
          قلت قبل أنو فما كلام بش نقولو le 1 août وهذا اليوم الموعود.. 
          باهي أول حاجة نعرفكم بروحي :) إلي التعريف جا متأخر شوية، أنا يثرب عمري 24 سنة ، تونسية الأصل و طالبة قانون... نكمل في الماجستير تاعي ❤❤
          علاش خطرت 1 أوت خصيصاً بش نحكي فيه هالكلام خاتره الشهر إلي بديت نكتب فيه و قررت أنو نهبط أول رواية bl في الصنف التونسي إلي هو تقريباً قليل التوانسة أنهم يكتبوا على المثليين لأسباب أبرزها دينية... 
          كتبت أول رواية ليا هبلة ❤❤ والي هي اسم على مسمى هبلتنا الناس الكل هههههه، هبلة قريبة لقلبي علخر، بخلاف إلي هي أول رواية ليا أما هي كرواية حرفياً روحها خفيفة و تحفونة، تحسوها فرفوشة هكا ههههههه... و كتبتها خاتر حبيت نبدل العقلية تع المثليين أنهم الكلهم " يشبهوا للنساء "، طبعا كل حد كيفاش يحب يتصرف أما جست حبيت نسلط الضوء على هذا النوع مالمثليين... 
          باهي أول حاجة، أنا مانيش ضد المثليين، أي مانيش ضد الشخص المثلي، أنا ضد فعل المثلية... و الأفعال تخص الشخص بحد ذاته يتصرف كيف ما يحب... إلي يخصني أنا هو كيفاش تتصرف معايا و مع العباد، إلي يخصني هي شخصيتك كيفاش و طبيعتك... لكن بالنسبة للفعل كلٌّ وله كتابه الخاص، تحب تعبيه بالسيء أو الجيد، حاجة حرفياً خارجة مالمدار تاعي.... و نتمنى يجي النهار أنو المجتمع يتفهم الحكاية و نخلاو العباد في حالها... ❤❤
          
          باهي ثاني حاجة، تعرفوا إلي الحاجة إلي تميزت فيها هوني في الواتباد إني اخترت الأدب الاجتماعي و نكتب عالمجتمع و الحاجة هاذي لقيت روحي و نفسي فيها، لقيت راحتي أكثر حاجة... فأغلب الروايات الجاية بش تكون ملتصقة بالمجتمع و بش نثير قضايا كبيرة فيها و بش تلقاو روايات تع محارم زادة ( متأسفة من توا للعباد إلي متحبش النوعية هاذي) ... حاصيلو أي قضية نعرفها بش نصبها هوني على شكل رواية ... و بش تلقاو مستقبلاً إني نراوح بين المثلية و الروايات المستقيمة و الروايات التي تخص ال trans  و كلهم باللهجة التونسية... يمكن قبل خممت في رواية تكون باللغة العربية أما الصراحة لقيت راحة أكثر بلهجتي و لوغتي... و علاش لا متكونش هالروايات فرصة أنكم تتعلموا التونسي ههههههههه تو مستقبلاً الكلمات الصعيبة نترجمهم و نترجم السياق إلي تحطت فيه، خاتر كل كلمة تختلف على الأخرى حسب السياق... 
          
          

هل سينزل بارت من في ثلاثة اليوم 

عندي حاجة نحب نحكاها و نفجرها، منجمتش نسكت قلت نشاركها معاكم :) 
          حاصيلو... ايامات قبل كنت ندور في التويتر، دخلت فيديو عادي و بقيت نسكرولي و نسكرولي لين دخلت لفيديوات اللطف +18... و تع ڨاي... المشكلة مش غادي، الصراحة أنا ميهمنيش و منتصدمش مالعلاقات هاذي، أما إلي صدمني وقتها، أنو زوز أولاد توانسا و كي تشوفهم عاديين.. يعني ما تعطيهمش أنهم غاي... 
          المشكلة هوني في المغرب العربي أو نقولو العرب عامة، عندهم صورة الڨاي أنه خنثى و يتصرف كالانثى و حتى صوته يجوده، و الصراحة أنا كنت كي نشوف واحد اكاكا طول نقول هذا غاي... أما إلي صادفته مالفيديو انه لا مش الغايات الكل اكاكا، و عادي علخر تشوف طفل و إلا راجل يوحي أنه توب رجلة و فحل وهو من داخل و في الغرف المظلمة ههههههه راقد مع طفل... 
          فالمظاهر بالرسمي خداعة... خداعة فوق ما تتصور. 
          و المثلية تقريباً منتشرة في العرب أكثر مالغرب حسب ما شفت... و شفت مصااااااايب سوداء بقيت حالة فمي والله... 
          يعني الشرق المتحفظ و المتدين يخرج منو مصايب سوداء... تلقى أخ و أخته، إب و بنته، تلقى راجل جايب رجال لمرته... توا بالرسمي فهمت علاش شيوخهم يبداو يوصاو في البنات الصغار بش متلبسش لباس فاضح قدام بوها و خوها، خاطر ظهروا يعرفوا مجتمعاتهم كيفاش تفكر... 
          صدمة. 

متى ينزل بارت القادم من في ثلاثة أنا متحمسة 

تم نشر فصل " سفر " ✨✨
          استمتعوا ❤
          https://www.wattpad.com/story/405085340

بارت " غيب يا قط ألعب يا فأر " هبط توا :) 
          استمتعوا ❤❤❤✨
          https://www.wattpad.com/story/400920095