yathr_eb
كتوضيح صغير :
أكيد توا بش يبداو يجاو البنات تع تعاليق " استغفر الله " و "زوز رجال يحبوا بعضهم كيفاه...." ومن هذه التعليقات ...
أنا الصراحة مانيش ضد هذه التعليقات بالعكس لكم كل الحرية في التعليق أن كان سلبا و إن كان إيجابا ، و تعليقك في رواية مثل روايات الڨايات و انك تنشر في الصحيح و تفيق العباد من غفلتهم و تنصحهم انهم يوقفو الي يكتبو فيه فهذا يعتبر أنو انكتبت لك حسنة أو الف حسنة وهذا من كرم الخالق على مخلوقاته، أنو من ابسط حاجة تعملها يقيدلك حسنة جست بش تدخل للجنة و تتنعم بخيراته..
أنا مانيش بش نفسخ تعليقاتكم بالعكس والله نحطلك قلب و نخليها و ما نقول شي ، اما انك تفهم الرواية بالغالط وقتها بالرسمي نتقلق شوية... خاتر رواياتي حتى و إن كانت تحمل تصنيف ال" bl " اما هي في محتواها لاهي مع الڨاي ولاهي ضدهم.. كيفاه ؟ تو نفسرلكم.
كي كتبت الروايات تاعي عندي هدف الي هو حبيت نوريكم أنو الدين او المجتمع ككل يكره الفعل مش الشخص... يعني نكرهوا فعل المثلية وليس شخص الي يعمل فيه، خاتر الشخص هذاكا ينجم في يوم من الأيام أنو يقلع عنو هالتصرف و يحب مرأة مثلا و تقعد تحبوا بنفس الحب الي كنت تحبوا ليه وهو يحب راجل.
فالبشر هوني مش ميحبش الإنسان هو ميحبش الفعل... فعله السلبي...
و بش نزيد نأكدلكم نجم توا نجي في رواية هبلة مثلا نعممللها جزء ثاني و نبدل من شخصية هجرس مع ادم .... فهوني انتوما تلقائيا بش تكرهوا الشخص و تكرهوا فعله معاه الي يتمثل في المثلية ...
yathr_eb
@rouroubaby00 أي اذاكا علاش مفسخت شي الصراحة أما جست حبيت نفسر علاش كتبتها ، يعني الكومنت جا في الصلاح ههههههه ❤️
rouroubaby00
@yathr_eb انا نحب كل رواياتك و نقلك ما تسمع كلام حتى حد و الانتقاد هذاك موجود ديما سواء كنت تكتب على BL or straight
yathr_eb
كي كتبت علاقة ادم و هجرس كتبتها مش بش نوريكم أنو المثلية حلوة و محلاها وهاي حياة وردية فيها ..لا ... كتبتها بش تفرقو بين حب الشخص وحب الفعل... الكلنا حبينا هجرس في شخصيته و كلنا حبينا بيرم و ياسين و حبينا قيس و ليث و خليل... حبيتوهم خاترهم ڨاي ؟
تي اغلبهم شخصيات عنا في حومنا ، عنا الجبري و عنا ولد الناس وعنا المتربي و عنا المتخلق وعنا الي كلامو فاسد.... كلهم فئات متواجدة في مجتمعاتنا و رغم ذلك حبيناهم، حبيناهم بكلامهم و افعالهم... حتى من بارتات أنو تصير علاقة جسدية خفاف علخر يتحسبو بالصوابع ... و الصراحة مرة جاية معادش بش نكتب عنوان الفصل أنو يتضمن لعلاقة جسدية، بش نخليه كأي فصل عادي بش الي يجي يكتب شيء سلبي يقعد يقرا رواية كاملة و يفهمها و وقتها يحط تعليقه ههههههه....
فنحاولو أنو نحبو بعضنا و نخلاو الخلق للخالق ، ما دامه قرر أنو ينتهج فعل المثلية و يمارسها ففعله يتحاسب عليه مع ربي، لهذا وُجِدت جهنم ، بش تتحمل مسؤولية افعالك ، اما نحنا كبشر لازمنا نحبو الشخص لشخصه لقلبه و شخصيته ، فعله اموره مع ربي..
والسلام ❤️❤️
كل ما نكمل رواية تو نهبطلكم المغزى منها...
و الصراحة مانيش صغيرة أو هاوية بش نحكي على قصة حب ابدية و حياة وردية لزوز رجال... مغزى رواياتي اعمق من هكا و من طريقة الكتيبة تفهموها المفروض ❤️✨
