Hindi hadlang ang mababang pinag-aralan sa pag-abot ng pangarap. Nagsimula ako magsulat year 2018 sa page ng Heart Romances page, hanggang ngayon. Noong una ay takot akong sumubok at nahihiya dahil hindi ako magaling sa english. Jejemon din ako magsulat, makikita naman sa mga book ko rito na hindi pa edited. Pero dahil gusto mahal ko ang paggawa ng novel, inaral ko ang dapat aralin sa tulong ng mababait kong kaibigan na may alam sa tamang pagsusulat. Ultimo tamang pagbaybay sa salita noon ay hindi ko alam. Hindi ko sinasabing perfect na ang pagsusulat ko ngayon, pero masasabi kong may improvement. Nadagdagan din ang confidence ko sa pagsusulat dahil sa mga readers at mga taong naniniwala sa aking kakayahan.
Year 2021 ay nakilala ko ang mga paid platform. Sinubukan kong palawakin ang aking kakayahan sa pamamagitan ng pagsali sa isang contest. And thanks God, dahil unang sabak ay nakamit ko ang unang parangal as BEST NOVEL AWARD sa Famelnk platform. Sa pagsusulat, parang nag-aaral na rin ako. Marami ako natutunan at naging kaibigan. Maraming salamat po sa lahat ng readers ko sa simula palang hanggang ngayon, at sa mga darating pa. Isa kayo sa aking inspiration kung bakit nagpapatuloy ako sa paglikha ng novel.