زاهر

هاي شنييي 

متأخرة بس ممممممبببببرروككك خيااااا بالتوفيكككك ‍♂️‍♂️

يمهههه اقره التعليقات وميتههه ضحك المهم خالي انه هم البس عبايه وتچتل عليه عااا جن فلعه كمر بويه اطلع مصكصكه وصج هي تبهذل لجن الستر حلو بعد روحي 

علينا أن نحرر أنفسنا من الأمل بأن البحر 
          يومًا سيهدأ ، علينا ان نتعلم الإبحار وسط 
          الرياح العاتية.♡

لاحظوا عجائب وغرائب واختلاف المعنى في اللغة الشارعية والكلاواتية وهذا ما يُسمى بالجناس اي التشابة بالكلام والاختلاف بالمعنى :
          
          مثل صخلة بغيابك اصرخ اماااع
          بعد گلبي  الوكت سواني نعجة
          
          (امااااع وتأتي هنا بمعنى البُكاء حتى تتقطع نياط القلب)
          
          چنت صخلة بحياتك اصرخ امااااع
          بس انت مطيي واحساس ما عندك
          
          (وامااااع  تأتي هنا بمعنى "أُحبك يالطلي" حتى يصرُخ القلب كافي يرحم موتاچ يالصخلة )
          
          كم انتِ عظيمة ياا لُغتنا ♡

 اني اصلا يكولولي لابسي جواريب لابس كدامهم  ومن طلع يختفن سبحان الله   يلا عادي خيتي بس المكياج اهم شي خلي بتكتك 

 احممم يبناات خل اكمللكم سالفة الصخمانة (على گولة اخوي الصغير راح تصيرين من هذن امهات الجامعة والاويي والمدري شنو ههههه)  اي فشنو مو گلت نروح للجامعة يوم الاربعاء واليوم اربعاء رحنة من صباحيات الله تقريبا بـ التسعة سبااحاً  المهم لبست تنورة وبلوزة وما اعرف شنو هاي الحبشكلات الخايسة وانة البس عباية (طبعا من الاول البس عباية بس يعني شبه مقتنعة بيها مو لأن دخلت جامعة ومدري شنوو لا اعوذ بالله بس احسها تبهذل خاصة بالمطر وما اعرف الزم شيي اذا البسها وكل شوي اضل اعدل بيها وارفعها دوخة) 
          ايي وها انيي ما اخلي مييكااب من الله ممكببة بوية متتت صخاام بوجهي ههههه لاا چذب بس ابويي يطيح حظي ويغسلني غسلة مبللة وناشفة  اذا خليت ولوو شويية هيچ نقطة مع شديد الافس ايي والله وجهي الگميل ماا يعرف شنو مييكااب (سِجنٌ ولا منافذَ للهَرب ) "گلب مكسور"
          ايي فشنو گلت هسة انة توا گاعدة ووجهي مصخم ومتفوخ وبالضيم ياحالي ورايحة هيج الا اصير مضحكة غيير گلت خل البس كمامة اشرفلي واتكسح، بعدين نزلت وانة فدد حماارة  لبست الحذاء وهذا عندي من زمن جدي كعب وهو صدگ من زمن جدي اشتريته بـ 2018 ولبسته مرة وحدة بعرس بنت عمتي قبل لا يموت جدي بكم شهر وما عجبني شمرته بالكنتور وهسة رجعتله ايي المهم
          لبسته بلا جواريب ونزلت لأبوي چاان گاعد بالديوانية ورفعت ايدي اعدل شالي وعباتي وشوية طلع كعب رجلي چاا غيير ضل يباوع لرجلي وگليي زهراااء ماا لابسة جواريب؟ضليت ابلعم گتله لااا گلي لاا شلون ماا يصير رجلج كلها طالعة
          
          گتله والله ما طالعة ونزلت الستريج گلي الا تلبسين، امري لله صعدت البس عاد جواريبي اللبستهن هن والماكو سوا  خفيفات ههههه ايي المهم عاد هو غلس ومشت السالفة عادي ياخي اموت من الجواريب خاصة اذا البس كعب مو حلو يطلع شكله بالأضافة لملابسي طوال وعباية لا بس الضحكني راح للسوگ بحجة جاب لأمي جواريب وجاب زوجين بعد معروفة السالفة بيها بسمار استلمتها اخخ بوية ايي فأنا تذكرت حكمة تخبل تگول(كل مشاكل حياتك راح تنتهي لما
          تتوكل ع الله وتنط من فوق السطح) ونعم بالله راح اسويها من باچر 
          اي خياات، رحنة للصخمانة وهالمرة مشوا عدل وعلى كييف وكملنة التسجيل بخير وسلامة وگعدنة تشمسنة فد نص ساعة ورجعنة الحمد لله (رجعنة بتكتكك، التكتك تخبل اذا مفتوحة ويمشي سريييع والهواا باارد غير تجنن اويليي عبالك طاايرة)  
          

احممم يجماعة خل اسولفلكم شوية،  اولت امس رحت عود للجامعة اسجل انة وابوي،،، وعمي على اساس كفيل وكذا المهم 
          (على فكرة جامعة البصرة، باب الزبير) اييي فـ شنوو دخلتلها تجننننن يعنيي صدگ تخبللل وكل قسم او كلية الها مكتبة وكافيتيريا خاصة بيها، وانة قسمي بآخر الدنيا لازم امشيلي فد عشرين دقيقة الا اوصل هاي اذا ما تيهت فـشنو وگفت واخذتلي صفنة مالت وحدة توا عايفها طليها اغصد حبيبها وگلت(مالذي اتى بي هناا ياا قووم؟! واشوف الطلاب والطالبات اللبس شنوو و النقالات شنوو ما شاء الله كلهم طاگين للنخاع وانة الحمد لله والشكر لزگة جهازي ما مبدلتها صارلي قرن صيگد چيذب شهالتبذير والله يا الله)
            (طبعن)بالنون هاي اول مرة ادخل جامعة وما شايفة قبل جامعة وكذا فـ چنت فاكة حلگي ومتعجبة من گمال المناظر أأأأءءء وگمال الطلاب ☻والطالبات
          وانة الوحيدة التلعب النفس اغصد الجمالي خلاب  
          
          (ماا شايف وشاف شتتوقعون يعني؟!!) المهم ،چان الجو مطرر وطينة وصخاام وتبهذلت تبهذل وابوي وعمي عايفيني وطايرين طيارة وربيي كل شوية متيهة الا شوية چاا بچيت وسويتها دراما،  هم بصوب وانة بصوب ثاني
          
          و 3 ساعات احنة نطربگ چنة حصونة وكل شوي شامرينة مكان وتالي رجعونة الادبسزية لان ما مسوين تسجيل الكتروني فـ شنو اجلناها ع الاربعاء لان ابوي عنده شغل (طبعن الشغل اهم مني المايلوح العنب يگول حامض )"گلبب مكسور"
          
           ايي وعميي يرجع من دوامه تعبان وكذا فـ ما يگدر، امداني هو انة مال جامعة انة مال مدرسة خايسة ومدرسات يصگعن ويرزلن  بية وطالبات لوگيات وكسالة وطاح حظي ♡ دأكتوب والجوو مطرر يجننن والكهرباء مطفية واهلا وشكراا وسهلاا جزيلا 

الف الف الف مبروك حبيبي زهيره 
          انشاء الله  دكتورة او محاميه  بكيفج ههههههه وتعديل مره لخ 
           ألف مبروك  

كلووووشششش كلووووشششش  كلوووشش عمرييي الفف الف مبروك يوم لي كولو امين