شِهَډ

خَسِرَنا أَول خَسَارَة
          وَگلنَا تتعَوض
          وَخَسِرنا الثانيَة
          وَگلَنا الْعَتب
          عَ الحَظ 
          ماظلت وَلا حِجةَ
          شَبعَد ياگلَبي تترجى؟
          هَايّ الثّالِثَةِ
          وَبيهَا السّكوت أفضَل .

وليشَ أرجف عليك
          وينخطف لونيَ؟ 
          وحتى الناس گامت
          تعرف بهالحال ،
          ما اعرف شگلهمَ
          من يسألوني 
          يطبون بصفنتيَ وعنكَ
          يدورون يلگوني افكر
          بيك يلكوني .

شجاك وضَيعتني؟ شگد أناني
          أهم شَغله بحياتَك چانت اني
          ماتلگاني بيهم جَرب وشوف
          تحب عشرين؟ وماينسَد مُكاني

الورَد ذابل مِن زمِان
          لا تحَاول تعتنيلي 
          لا جمِاجم لا ملاحَم
          كلها متعوَض سنيّني ..

هَواي أحلام اجن بعَدك
          بّس لليوم حَلمك واكف بعِيني
          النَار العّايشه بصدري ماتخَمد
          إذا مو انتَ
          بَمتونك تطفينَي
          شكَد أحلام وردَيه ردتَها وياك
          لكَن ماعرفت شَلون تحويني.

بعدني أشتاگلك يا لچمة سنيني 
          أثر جدمك عُبر مني محطات
          وَ أثر صوّتك لهاي اللحَظه يچويني .

والناس الردتهُم نِسوا مِن سنين 
          اسمَك والمحطه وخَلوا دموعَك نَهر
          لابُد يردون باچر
          سَوي نَفسَك ماشفتهُم
          بالَك يحسون انتَ تذكرتهُم
          اثگل شويه يگلبي
          مره خليهم مَحطة وانتَ سافر
          انتَ والدُخان وصبرك والمُطر
          ادري بيك تريد تبچي
          ابچي وحَدك اني ساكت

خيَالك مايفارگنيَ
          وَيّأيٰ بصَحوّيْ وَبنوُمَي
          ويّوَم ألبَي ترَوٰح بعيَد
          ذأكَ أليُومٰ مِوّ يَوُمّي .

حِزّن كِل ما أريد أنسّى
          يغَنينّي
          و يسَهِرنّي
          و يحاچينّي
          حِزَن كِل ما بُرَد دَمعي
          يّرد بعيُوني يچوينّي
          حِزَن كِل ليَلة أكتبه و يبَچينّي .

مَره گتلك يا حبيَبي شگد تَحبني ؟
          وگتلي بَاوع للسَماء وباوعَت ظلمه
          وگلت يَلا يجوز يقصُد ع المسَافه
          ومادرّيتك تقصُد بگد النَجوم 
          بليَله چانت گِلهاا غيَمه وماكو نجمّه