الاسبوع بيتكون من سبع ايام و السنه الواحده بيكون فيها 52 اسبوع. فى شعوب و ثفافات تانيه فى مراحل تاريخيه معينه كان عندهم اسابيع اطول او اقصر من 7 ايام زى الاتحاد السوفييتى اللى خلا الاسبوع يبقا 5 ايام بس من اول سنة 1929 و بعدين غير رايه و عمله 6 ايام سنة 1931. الاسبوع فى روما القديمه كان طوله 8 ايام و لم يتغير لسبعه الا لما توسعت حدود الامبراطوريه الرومانيه و ضمت الشعوب التي ثقافتها تقسمه ل 7 ايام بس. الاسبوع عن السيلتيين كان بيتكون من 9 ايام اما المصريين القدام فكان الاسبوع بتاعهم طوله 10 ايام و الشهر فيه 3 اسابيع بس (30 يوم). فكرة الاسبوع ابو سبع ايام انتشرت فى العالم مع انتشار الثقافه الساميه (اليهوديه-المسيحيه-الاسلامية) لان الاسبوع عند اليهود القدام و بقيت الشعوب الساميه القديمه(زي العرب و السومريين) كان بيتكون من سبع ايام وممكن يتلاحظ التأثير دا فى سفر التكوين فى العهد القدبم اللى بيزكر خلق الارض فى 6 ايام و الراحه يوم السبت (اليوم السابع).