كاتبة عراقية، أكتب لأن الكتابة بالنسبة إلي مو مجرد هواية، الكتابة المكان اللي أگدر أكون بيه أنا، بكل أفكاري ومشاعري وحچيي. ✍🏻🖤

أحب الحروف من تتجمع وتصير حكاية، وأحب اللحظة اللي تتحول بيها الفكرة الصغيرة إلى عالم كامل من صنع قلمي.

يمكن ما أعرف أعبّر عن كلشي بالحچي، بس أعرف أتركه بين السطور.
كل كلمة أكتبها إلها معنى، وكل سطر أكتبه ياخذ جزء من روحي.

أكتب مو حتى أكون مجرد اسم بين الكتّاب،
أكتب حتى يكون إلي أثر، وبصمة تنعرف حتى لو ما انذكر اسمي.

طموحي أكبر من مجرد رواية تنقري وتنتهي؛
أريد كلماتي تبقى بذاكرة اللي قراها، وأريد يوم من الأيام ألتفت وگول:
«كل هذا بدأ من مجرد حلم... وأنا ما تخليت عنه.» 🖋️✨

هنا أكتب شغفي، وهنا أترك جزء من روحي بين كل حرف وحرف.