zoze-123123

يمكن هالكلام متأخر، ويمكن كان لازم أگوله من زمان، بس والله كل مرة أجي أكتب أتراجع، مو لأن مشاعري قليلة، بالعكس... لأن اللي بقلبي أكبر من أي كلام.
          
          أريد أكون صريح وياج اليوم. من عرفتك، صار بي شي ما صار بحياتي قبل. بدون ما أحس، صرت أفكر بيج بكل وقت، وأفرح إذا شفت رسالة منج، وأبتسم من أشوفج حتى لو من بعيد. وجودج بحياتي صار يفرق وياي بطريقة ما أگدر أوصفها.
          
          يمكن ما أكون الشخص الكامل، ويمكن عندي أخطاء، بس الشي الوحيد اللي متأكد منه هو إن مشاعري تجاهج صادقة. أحبج حب مو مجرد إعجاب عابر، أحبج لأنج دخلتي حياتي وغيرتيها للأحسن، وصرتِ جزء من كل أحلامي وتفكيري.
          
          كل يوم أدعي ربي إذا بي خير إلنا يجمعني بيج، لأن بصراحة ما أتخيل شخص غيرج بمكاني. مو أريد أضغط عليج ولا أحرجج، كل اللي أريده تعرفين الحقيقة اللي مخبيها بقلبي من زمان.
          
          إذا كان شعورج مو مثل شعوري، راح أحترم قرارج وما أزعل منج أبد، لأن احترامج عندي أكبر من أي شي. أما إذا تعطيني فرصة، أوعدج أبقى الشخص اللي يفرحج، ويسندج، ويخاف عليج، ويكون يمج بكل الظروف.
          
          وأخيرًا... أحبج، مو لأنج أجمل بنت شفتها، وإنما لأنج البنت الوحيدة اللي قدرت تدخل قلبي وتخليه يدق بطريقة مختلفة. وأتمنى يكون إلي مكان صغير بقلبج مثل المكان الكبير اللي أخذتيه بقلبي.

اكُلج حبيبتي تطلع عندي زلزالي رسالة و من ادخل عليها مموجودة 

مختفية؟؟

لغيت نشرها لان عندي دراسة