آلآنـثـى آلـقـويـة❤✨

الحلقه الاولى

روان: اصغر بنت في البيت موليد 99 بنت شخصيتها قويه تموت في حاجه اسمه بابا موصفاتها في الصوره
ريان : اخت روان الكبيرة موليد 89 متجوزه عندها عيل وبنت توأم
رويدة: اخت روان المتوسطه موليد 90 مخطوبه وعرسها قريب
ام روان: اسمها نوريه موليد 76 طيبه و حنونه ع عيالها
اب روان: اسمه احمد موليد 70 يحب اكثر وحده روان عندا خط احمر
أمير: اخ روان موليد 87 يحب عيلتا و مش مرتبط ونا يحبش سريب البنات موصفاته في الصوره
سيلين: صديقت و اخت و روح روان ديما مع بعضهن موليد 99 موصفاتها في الصوره
وأخيرا البطل
مجدي: عصبي يكره كلمه اسمه الحب كان مرتبط و خانته حبيبته موليد 96 اكبر واحد و بوه متوفي موصفاته في الصوره

رويده: نوضي يا كلبه عرسي بعد اسبوعين وانتي راقده نوضي
روان: اقلبي وجك عرسي ولا عرسك ترا فكيني
رويده: وربي كان ما تنوضي نمشي نكلم ماما
روان: نعن غماما انشالله صكري فمك توا انوض🙄
رويدة: ايواا هكي تبي من بدري يلا بسرعه وطلعت
روان مشيت للحمام (حشاكم) دوشت وطلعت وصلت ونزلت تحت
ام روان: مزال بدري ليش نضتي توا 😑
روان: عرفه بس بنت الحمارة وعتني
ام روان: باهي باهي امشي افطري  وتعلي نطلعوا نشروا دبش اختك
روان: ووك ووك تي فرحها هي ولا فرحي نا شن دخلني بي ام دبشها 😡
ام روان: صكري فمك يا قليله الادب وامشي بسرعه وعدات
روان: ووك عليا شن دخلني نا توا ويقولولي قليله الادب ومشيت للمطبخ
روان: عميمه عيشه نبي فطور
عيشه: حاضر من عيوني شويه بس
روان: تسلم عيونك يا قلبي
عيشه: تسلمي تسلمي هيا امشي ل طولت الاكل
روان: حاضر وطلعت
عيشه هذي مرا كبيره في العمر تشتغل عند العيله
فطرات روان ومشت تلبس لبست سرول اسود و بلوزه بيضه و وشاح اسود  و سبيردو ابيض و درت ميكب خفيف وطلعت
ركبت في السيارة متعتها هي و امها و رويده
و مشو للمحلات طبعن مشت رويده و ماما يشروا ونا ندور في المحل اتصلت بي سيلين و هدرزت شويه وصكرت وجت تبي تمشي جو زوز شباب يعكسوا فيها
العيل1: يا العنبر ممكن النمبر
روان ولا كانه حد كلمها
العيل 2: كنه العسل ما يردش
روان التفتت: انتو يا قليلين الادب امشوا اقلبوا وجوكم خير ما يحصل فيها دوه اخره
العيل 1: انا نبي تحصل دوه اخره
روان: امشي اقلب وجك وجت بتمشي جا العيل مسكها من ايدها: وين هربه هيا ورينا
روان: غمضت عيونها وعطت العيل كف
العيل 2: ههههه تي بنت تضربك
العيل 1: تي كيف تضر.. قبل ما تكمل تعطيه بوكس ع في بطنه
العيل طاح وجت تبي تمشي بس العيل ناض و مسكها
وران برمت: تي شكلك ما تفهمش يا كلب يا نس
وتحق العيل طايح في الارض و العيل الاخر هرب
مجدي: در

بليزا بليزا نبي دعمكم هذا اول روايه ليا