ياسين ( بضحك) / يخربيتك يا عمر انا اول مرة
اعرف انك رومانسية ده انت شوقتني اشوفها
عمر ( عاد الي جديته) / طب يلا يا ظريف علي
شغلك
- قام ياسين وهو يضحك بشدة بسبب تحول صديقه
فجأة الي عمر امبراطور العالم .
ياسين / يابني قولي انت ملبوس الله يخربيت عقلك
عمر ( يجز علي اسنانه) / لو مختفتش عن وشي حالا
هتلاقي الملبوس فعلا
ياسين / لا و علي ايه سلام عليكم ثم خرج من
مكتبه .
.......................................................................
* في امريكا *
-تنزل ملك من علي الدرج لتري والدها يجلس في
مكتبه دخلت اليه وهو لم ينتبه لها
ملك / يا بابا يا حبيبي ارحم نفسك شوية علي طول
شغل و مش مهتم بيا طبعا الاهتمام مبيطلبش شكرا
يا سي بابا
سليمان ( بضحك) / خلاص خلصتي يا ممثلة
ملك / اه الحمد لله
سليمان / طيب اولا انا مش بشتغل ثانيا انا بظبط
اوراقك عشان السفر عشان هتسافري بكرة
ملك ( بصدمة) / بكرة بسرعة دي
سليمان / انتي ناسية ان الدراسة خلاص هتبدأ و
لازم تنزلي عشان تقدمي في كلية
ملك ( بحزن) / بابا ونبي انزل معايا مصر هتسيبني
لوحدي في بلد غريبة يعني
- قام من خلف مكتبه و اتجه نحو ملك وجلس امامها
سليمان/ يا حبيبتي انا ورايا شغل كتير و أول ما
اخلص هجيلك علي طول و متخافيش عمك موجود
و عمر و تقي معاكي يعني مش هتكوني لوحدك
- كانت ملك تجلس صامتة نظر لها والدها و حاول
ان يضحكها
سليمان/ انتي مورتنيش الهدايا اللي جبتيها امبارح
ملك / اه فكرتني انا امبارح لما رجعت نمت من كتر
تعب اصل لفيت كتير اوي حتي عمر فضل يتصل بيا
كتير وانا معرفش حاجة تعالي نطلع اوريك بقي
سليمان / ماشي يلا
........................................................................
* في احدي جامعات مصر *
