في القصة القصيرة ديه هقول عن مرض التوحد كنوع من أنواع التغير و الأهم الاستفادة عشان نعرف عن أطفال التوحد أكثر... أحب مبدئيًا كده اشكر الأستاذة ماجو علي معلوماتها الطبية اللي عرفتني شخصيًا حاجات كثير
طيب التوحد مش مرض هو اضطراب
بتظهر أعراضه الأكيدة على سن 30 شهر مش قبل كده
بيبقى الطفل متأخر في الكلام مبيتواصلش بنظرة العين يعني مبيبصش في عين حد بيكلمه مبيحبش اللمس ولا الأحضان يعني مش زي الاطفال يهدأ لما امه تحضنه لا العكس يصرخ ويرفض ويعمل حركات رفض ويرفض و غالبا يرمي نفسه في الارض
يتهيألك أنه مبيسمعش عشان مبيتعلمش يستجيب للأصوات أو اسمه لكنه حساس ناحية الاصوات والأضواء وإحساسه بيها مبالغ فيه
أحادي التوجه .. يحب لون واحد.. يحب نوع اكل واحد.. يلعب باللعب بشكل مختلف ونوع لعب واحد زي العربيات ويلف العجل بصوابعه بس
متأخر في كل علامات نموه زي المشي والقعاد والكلام بس جسمه نموه عادي زي باقي الاطفال وشكله طبيعي وجسمه عادي ومعظم الحالات بيبقو اطفال وسيمين جدًا سنةبيحتاج بعض أنواع العلاج العصبي وتغذية علاجية لانه هضمه مضطرب وعلاج سلوكي يعلمه ازاي يعرف اسمه ويتعامل مع الناس حواليه المقربين طبعا زي مامته وأخواته
شخصيته روتينية جدًا والحفاظ على روتينه ومواعيده بتضمن هدوؤه وتغيير النظام بيسبب انهياره وصراخه وعصبيته
وشه خالي من المشاعر ميعرفش يعني ايه فرحة وغضب وحزن لكن مع العلاج بيتعلم يعملهم بس بعد 12 سنةخطر كتور الأطفال اول واحد ممكن يشك في الأعراض من خلال فحص رد الفعل العصبي لانه بيتأخر عنده عن العاديين وبيحوله لدكتور أعصاب
التوحد اضطراب أصله عصبي في المخ ف ممكن الطفل يعمل رد فعل متأخر على حدث يمكن بعدها ب نص ساعة مثلا فيبقى مش مفهوم
الواضح في المتوحد أنه في فترة الطفولة مبيقدرش الخطر وبيتعامل بتهور لانه مبيتعلمش بسهولة ومبيعرفش أنه خطرده كل اللي وصلت ليه طبعًا التوحد ليه أنواع منها متلازمة اسبرجر اللي محتاجة شرح طويل شويتين ثلاثه كده أنا مش هحتاجه اتمني أكون نفعتكم بالمعلومات دية و تبقي خفيفة عليكم
مين اللي هيتابعها علي بيت 🙈❤ مستنيه رأيكم و تفاعلاتكم عليها و أي رأي نقد سلبي هتقبله بصدر رحب و يقوله من غير ما يخاف
أنت تقرأ
تـوحــد
Nouvellesقصة قصيرة اجتماعية ضمن احتفالية بيت الروايات و الحكاوي المصريه بمناسبة رأس السنة هى نزلت هناك بس هتنزل بعد إنتهاء مده الحصري على الواتباد و الجروب