رواية#غموض انثى#
بقلم#وقار محمد#
مقدمة صغيرة:
الرواية تتكلم عن بنت فريدة من نوعها مستقلة في حياتها
غااااااممضة لسبب*
تحب الوحدة والهدوء
عايشة مع خالتها وصغار خالتها
امها وبوها وخوتها وراجل خالتها متوفيين في نفس اليوم💔
الباقي تو تعرفوه .....🔥
________________________________________
تعريف الشخصيات :-
انا سدين عمري 19 سنه مواصفاتي سمرة فاتحة طولي متوسط
شعري لنص ظهري عيوني عسليات وكبار شواربي منفوخات
منحبش المكياج والتفشيك متع البنات ومنحبش الهدرزة
حياتي متلخصة في الرسم والغناء
باختصار انا منطوية في عالمي الخاص
عيلتي متوفيين 💔
كان عندي ثلاثة خوت اولاد
سراج و محمد و اوس وبابا احمد وماما سالمة
وفي نفس اليوم اللي توفو فيه هما توفى حتى راجل خالتي
خالتي اسمها خديجة طيبة هلبا وتحبني
بناتها اسراء عمرها 25 سنه بيضة طويلة شعرها طويل وناعم
عيونها سود تعامل فيا زي اختها
بيسان عمرها18سنه سمرة شعرها كاري عيونها بنيات طولها
عادي وتعامل فيا زي الخدامة اي متحبنيش وتشوف فيا منكده
ولادها علاء عمره 24سنه طويل وعريض وعضلات اسمر وعيونه لونهم يتغير لما زعلان عسليات ولما متعصب سود
ولما فرحان رصاصيات ولما عادي زرق المهم مخلوق غريب
لاكن حلو
مازن عمره17 سنه طويل وضعيف اسمر هلبا يحب الضحك
مججننننننوووووونن بمعنى الكلمة
والباقي تتعرفو عليهم بعدين
..................#وقار محمد#.......................
انا كالعادة مقعمزة في داري نرسم ونغني وهااايمة في عالمي
الخاص ودمعتي ع خدي
طق طق طق
انا مرديتش
مازن:بنخش
انا مسحت دمعتي وساكته
مازن خش وخلا الباب مفتوح وقعمز جنبي ع السرير
مازن : خيرك
انا: خيرني
مازن:كنتي تبكي ولاه
انا:لا
مازن:كنتي تبكي
انا:قتلك لا
مازن: تتببكككييي
انا:😑
مازن ناض يرقص ويغني مالو حبيبي مالو قولولي ويش جرالو
امبارح كان يشكيلي واليوم تغير حااللللووووووو
شن رايك في الاداء 😁
انا:حلو هي اطلع وسكر الباب وراك
مازن : تلزي فيا😲
انا عرفت انه بيديرلي فالطة : لالا نبصر عليك خليك انا طالعة
ونضت طلعت
مازن:😫اليوم ضروري تضحكيييي وجاته فكرة جهنمية وبدي
يخطط عمكم مازن
في الصالة
خالتي : سدونة تعالي قعمزي بحدانا
انا قعمزت بحدا خالتي من دون ولا كلمة
اسراء: نديرو كيكة شن رايك سدين
انا: شفتلها بس من دون ولا كلمة
بيسان حدفت عليا المخدة:تكلم فيك رد علاها بلا حيونة
انا شفت لي خالتي بمعنى متتكلميش ونضت مشيت لي داري
وقعدت نبكي نبكي نبكي ... علاش انا حياتي هكي
انا محتاجة ام واب واخ يكون سند ليا😭 ..ااااه يا ربي 💔😭
خالتي:عليش هكي توا تلقاها تبكي البنت عيب عليك
بيسان:خل تبكي ان شاء الله تطربق 🙄
اسراء عطت اختها نظرت عتاب وناضت وخلتها
بيسان:زينا ومعاك الصلاح
خالتي : والله ما تتحشمي كان يسمعك علاء لما يفقصلك عيونك يا حيوانه 😡 نوضي تعلمي حاجة في الكوجينة
بدال القطاف الزايد والنت والعفن
بيسان:هاني قالبة وجهي هي وناضت ترفس زي التور حاشاكم
خالتي:اشبح قليلت الادب والله عند خوك اليوم تباتي بطريحة
