أحببت اخي

البارت ١٧ والاخيييير

كعدت الصبح واول ما اجة بالي أسد اوووف شكد مشتاقتلة بس لازم شوي اشلع كلبة يلا ارجعلة

ماما: بنتي يلا كومي شوكت تبطلين هاي عادتج مال السهر ما اعرف

ليان: اي ماما كاعدة

رتاج: يلا ولج كومي ضايجة وحدي

ليان: كمت والله كمت فديتني محد يستغنة عني😂

علي: غير تستقر 😂

ليان: اني مستقرة من زمان بس هذا الواقع

علي: دكعدي وسكتي شوفي نفسج شصاير بيج شلون ضعفانة

رتاج: عوف الحب مالتي لتضوجهة وبعدين ضعفانة كلة من ضيم اخوك

علي: ها هسة ليان الحب يعني تنامين بحضني بالليل وبالنهار تبيعيني

رتاج: عزاااااا انت شلون تحجي هيج كدام خالة

ماما: عادي يمة غير زوجتة انتي وبعدين وين يحصل مثلج شو أدب وخلقة واخلاق

علي: هي وين تحصل مثلي غير صاك

ليان: اعتقد انتو اجيتو تكعدوني مو تفتحون حوار فوك راسي

علي: تكومين لو اكومج بطريقتي

ليان: لا فدوة كلشي ولا طريقتك كمت (طبعا طريقتة يذب علي ماي من الصبح😂)

ليان: نزلو قبلي واني نزلت وراهم جان أسد كاعد بس ماهتميت

أسد: السلام ل الله

ليان: هلو

أسد: وشكو تردين من ورة خشمج

ليان: هذا الموجود

أسد: ليان عدلي سلوبج

ليان: إذا متتحمل سلوبي شكو تحجي وياي

أسد: استغفر الله

علي: هم علكيفج وياه اخوي خطية صارلة أكثر من شهر محروم كليلة احبك كليلة شي صار عندة جفاف😂

أسد: علي نجب وسكت

ماما: علي شو انت صاير متستحي

علي: غير طالع ع ابوية

بابا: هذا منو الطالع علي،صباح الخير

الكل: صباح النور

ليان: هلو هلو إذا رجال البيت يكعد آخر واحد

بابا: شوكت نخلص من السانج😂

علي: ابو أسد شكو اليوم شو كاعد فرحان والحجية سابحة من الصبح الضاهر صاير شي البارحة

بابا: طيح الله حضك ع هالتفكير هذا

ليان: شكد منحرف😂

علي: ديلا ع اساس أسد مو منحرف جان يوميا الصبح يطلع راسة مبلل هاي احجيلج ع ايام الخير