اسيرة القيصر

اسيرة القيصر _ الفصل التاسع

فى صباح يوم جديد استيقظت رنا على أشعة الشمس تداعب عيونها وكأنها تصالحها وتدعمها قامت رنا بصعوبة من على السرير وتوجهت إلى الحمام واخدت دش وتؤضات وخرجت لقت بسمة قاعدة على السرير

بسمة بضحكة : صباح الورد يا قمر
رنا : صباح النور
بسمة : طبعا انتى متعرفنيش بصي يا ستي انا بسمه مرات خالك شريف وام سليم و سمر يعنى ممكن تقوليلي عادى بوبوس كلهم بيقولولي كده ها هتقوليلي ايه
رنا : طنط بوسي
بسمة بغصب طفولى : طنط هو انتى هتكبريني ولا ايه
رنا بضحكة : ههههههه خلاص هقولك بوسي تمام
بسمة : تمام حلو بوسي تعالى يالا ننزل تحت
رنا : اسفة مش هينفع انزل
بسمة : ليه يا روني بس
رنا : انا محجبة وبصراحة هدوم سمر مش هينفع البسها

قطع كلامهم خبط على الباب

بسمة : مين
الخادمة : انا يا هانم
بسمة : ادخلى

دخلت الخادمة وهى تحمل شنط ووضعتهم على السرير

بسمة : إيه الشنط ديه
الخادمة : سليم بيه باعتهم لرنا هانم
بسمة : ماشي روحي انتى

غادرت الخادمة ولكن اقتحمت سمر الغرفة

سمر بنوم : سمعت ان في شنط هدوم جت هي فين
رنا : اهيه
بسمة بفرحة : تعالو نشوف ذوق سليم
سمر : هو ابنك بيفهم غير في الشغل وبس
رنا : أي حاجة اكيد هتبقي حلوة كفاية تعبة
بسمة بضيق : اسمعي يا بت انتى كده هتقومى رجالة العيلة علينا
سمر : يا روحي حتى لو الهدوم حلوة بلاش تبيني تمام
رنا : بس حرام مجهودة يضيع على الارض
بسمة : بت يا سمر لازم البت ديه تتفرم علشان تفهم
سمر : وماله يا شابة نفرموها

توجهت سمر وبسمة الى رنا وكانت يرسمون على وجههم الغضب

رنا بسرعة : فعلا عندكم حق الهدوم مش حلوة خالص ده ذوقو بلدى خالص ولازم الهدوم ديه تترمي حالا
بسمة : كده تعجبيني يا موزة
سمر : دلوقتى تعالى نتفرج على العموم

ابتدا سمر تفتح الشنط وانبهرت سمر وبسمة بشكل الملابس

بسمة : أبن الكلب عمره مجابلي هدوم حلوة كده
سمر : الظاهر أخويا طلع لعيب على تقيل وغمزت
بسمة بحسرة : روحى يا روني البسي وانا هروح لابن الكلب ده وخرجت
رنا : هي زعلت والله انا مطلبتش حاجة
سمر بضحكة : يا بت انتى هبلة هى بوبوس كده كمان سليم هيعرف يصالحها يالا انا هروح البس وهاجى ننزل مع بعض
رنا : تمام

توجهت رنا مرة آخر للحمام ولبست فستان احمر وطرحة سكري وصلت والباب خبط ودخلت سمر