الاشتياق-
ظلينه نحجي يوميه وبالكلية التقي بي رغم انو قسمه غير قسمي بس عادي
قوت علاقتي بي بحيث م اگدر اكمل يومي بدونه بس جنت اخاف اعترفله خاف هو عنده مشاعر تجاهي غير الاحس بيها اني يمكن معتبرني ك اخت او صديقة جنت خايفة كلش
الا ان إجه هذه اليوم وگلي:
محمد:لينا ممكن احجي وياج
لينا:اي تفضل احجي
محمد:لا مو هنا,,امشي نروح لمطعم هنا قريب
لينا:أوكي امشي
رحنه كعدنه بالمطعم طلبنه اكل
لينا:اي احجي
محمد:لينا اني معجب بيج ويمكن اكثر من إعجاب المهم اني احبج وما اگدر اعيش بدونج
اني سويت روحي بحالة صدمة بس اني عندي نفس شعوره تجاهه
لينا:عن أُذنك تأخرت لازم اروح
محمد:لينا ما اريدج تنطيني هسه جواب فكري وبعدين گوليلي
لينا:الله الكريم يلا باي
محمد:الله وياج
رجعت للبيت وظليت أفكر حتى م اكلت شي أفكر بمحمد واقبل لو لا بس اني هم جنت احبه والدنيه تجارب گلت خلي اجرب
ساعة ١ بالليل دزلي محمد رسالة
محمد:ها فكرتي
لينا:.....
محمد:لينا اني احبج وأموت عليج م اگدر اعيش بدونج احبج والله
لينا:اني هم احبك محمد
محمد:عيون محمد انتي يا روحي وعمري
علاقتنه جانت كلش حلووة والكل حاسدنه عليها
مر على علاقتنه ٤ أشهر بدون مشاكل وزعل إجه هذه اليوم اللي انصدمت بي الاثق بي راح :
فد يوم جنت اني مريضة و مرحت للكلية وجانت اكو وحدة تحب محمد كلش وتسوي كلشي علموده
استغلت نيرمين(البنيه👆)هذه اليوم لان اني جنت غايبه ومحمد مداوم
نيرمين:هلاو حمودي شلونك
محمد:الحمدلله انتي شلونج؟
نيرمين:تمام اگولك اريد اگولك شي م اگدر احجي هنا لان الأنظار كلها علينه امشي وره الكلية ماكو احد
محمد :اوك ماكو مشكلة امشي
بهذه الأثناء خابرت نهى (صديقة نيرمين) ل لينا وگلتلها
نهى:آلو مرحبا اني وياج بنفس الكلية وسمعي الراح اگولة تعالي ورة الكلية اكو شي يخصج وسدت الفون
لينا:اء اء منــ
قبل لا اگولها منو انتي غلقت المكالمة
والبنية مخابرتني من هاتف عمومي
اني خفت على محمد خاف صايرله شي بسرعة بدلت ملابسي وگلت لامي رايحة لصديقتي أخذ الشغلات المهمة
أخذت تكسي ورحت
نيرمين:حمودي
محمد: نعم نيرمين شنو رايده
نيرمين:حمودي اني أعشقك وأحبك ليش متفهمني
محمد:اني مالي خلك هيج سوالف وتدرين كلش زين اني مرتبط راح اروح باي
نيرمين: زين بس انتظر خمس دقايق حبوبي عندي شغلة أريدك اگولك
محمد:أوكي خلي نشوف وين تاليتها
رحت وره الكلية بسرعة وشفت اللي ما اريد اشوفة جانت نيرمين تبوس محمد من خده وحاضنته
"ما اعتب عليك،،
اعتب على زمن خلانيْ #اثق بيك"
محمد:لينا انتظري افتهمتي غلط انتظري
رحت بسرعة للبيت بقيت شهر كامل لا اكل م اطلع من غرفتي وبس ابجي
ام لينا:يمه شبيج لا اكل ولا شي شوفي وجهج صاير اصفر
لينا: ما بيه شي ماما
ام لينا: لا بيج شي احجيلي
لينا:تعبانه شويه من الدراسة
جان هواي شباب من الكلية يتقدمولي بس جنت ارفضهم لان جنت مقتنعة انو محمد راح يجي يخطبني راح نعيش أحله حياة سوه
بعد شهرين على نفس العذاب قررت اسافر لخالتي بالسويد شويه ارتاح وأنسى محمد لان بيتهم جان گبال بيتنه
امي وأبوي وافقوا ورحت حجزت يوم الخميس موعد الطيارة
اجه موعد السفر وطلعت صار بوجهي لان هو جان رايح للكلية شاف جنط السفر
متحملت دموعي بديت ابجي وهو جان ولا بعينه وكأنه ولا صاير شي درت وجهي وهو راح سلمت على امي وأبوي وعلى اخواني وصلني اخوي للمطار ودعني ورحت جنت مقررة أبقى فد ٣ أشهر وارجع جانت خالتي تموت عليه ومن گلتلها فرحت وصلت للسويد استقبلتني خالتي وبناتها وابنها
شويه تحسنت لان أسولف ويه بنات خالتي وتدرون ضحك وسوالف بديت انسه محمد
حسن(ابن خالة لينا اكبر من لينا بسنة كلش حلو بنات خالتة كلهم يريدونه بس هو جان ممهتم)
حسن جان كلش يحبها بس محجالها رجعت لينا لبغداد وره ٣ اشهر رجعت اداوم كليه وجانت دائماً تتهرب من محمد
انتهى الفصل الدراسي وراحت لينا مرحلة ثالثة
بالعطلة صار شي غير متوقع :
اجوا بيت خالتي من السويد وظلوا عدنه. شهرين
فد يوم اجه حسن وكعد يمي
حسن: لوله اريد احجي وياج
لينا:گول حسوني
حسن:لينا اني احبج وأريد اخذج بالحلال,
خله حسن صبعه ع حلكي وگلي :
حسن:اشششش ماريد اي شي تگولين فكري ورديلي جواب
ظليت أفكر بحسن اني بعد م الگة مثل حسن ابن خالتي وعمة مثل خالتي تحبني بالرغم اني منسيت محمد
""الچانوا عنك يگلولي أنساه
وأگلهم مايخالف حته أخالف...
أنسه شلون وانت بجرحي مرسوم!
شما يبچي الجرح تنزل عواطف...
شگد جروح تنزف بيه وتموت
بس جرحك كتلني وبعده نازف ...""
لينا:حسن اريد اگولك شي
حسن:عيونه لحسن احجي
لينا:اني موافقة
حسن طار من الفرح فتح الموضوع ويه أبوي وافق ابوي وانخطبنه بعد فترة قررنة
نتزوج بس يتخرج حسن
طبعا حسن بقه كاعد ابغداد كمل بنفس الكلية مالتي
محمد اتخرج من الكلية واتعين وصار يشتغل
بعام ٢٠١٤ اتخرج حسن واتزوجنه اني وياه بس جنت ظالمته لحسن لان جان گلبي يم محمد كل اللي سواه بيه بقيت احبه
" #شلون جفك يرضى بحلقة غريب"
صارت عندي بنوتة سميتها ديما
ورة فترة جنه طالعين للسوك اني وامي التقينه بإهل محمد
ام لينا:السلام عليكم شلونكم
ام محمد:وعليكم السلام شلونكم عيني
ام لينا: الحمدلله بخير انتوا شلونكم
ام محمد:ع الله الحمدلله مبروك بنيتي
لينا:الله يبارك بيج خالة
ام لينا:شلونه حمودي ديشتغل مو
ام محمد بس سمعت اسمه رأساً وكعت بنص الشارع التمت الناس عليها
.
.
.
.
اشوفكم بالبارت الثاني بيباي❤️❤️❤️
اريد فوت وكومينت😢😢
انستا👈miss__wdd
أنت تقرأ
الاشتياق
De Todoأيها الليل،، لي رجاءاً لك،، كن رحيماً وأنتْ تعْبَث في محتويات ذاكْرتي.. . . . --في ليالي الفراق الاولى، يصبحْ النومْ أكثر الاعمال شقاء في العالم . . . . . .
