عيلتنا باللهجه اليبيه

"10"

اسفه كان في غلط كنت نكتب في اسم نادر يطلع ايهم يعني كان لقيتو اسم ايهم اعرفو نادر
❤️❤️❤️❤️❤️
للكاتبه مارسيلين
#############
انس:اي نضت نضت
خشو للمربوعه الشباب كلهم اما هبة في حوشهم مشت اتجيب في حاجاتها اما باقي البنات مجموعه مقعمزه علي نقالاتهن ومجموعه خشت ايعاونن في ماري واسيل
#الشباب
عماد:شن القصه
خالد:اتفكرو ايام علاقتي بمريم
انس:مجاناش الزهايمر انتفكرو كمل
خالد:خلاص الشاب الي قال مريم حبيبته واتهدرز امعاه وراني ايميلها وصورتها وبعدين جابلي كم صوره ليمريم وهيا راكبة لي سيارة شاب ومشينا شفنها ولقيناها سيارة الشاب اني روحت هنت مريم ومسحت بكرامتها الوطا وقطعت علاقتي بيها خلاص نهار الفاتحه امتاعي بعد الفاتحه جاني الشاب وقال ضميري ايأنب فيها امعاد قدرت نرقد وراهو الي صار كله فبركه وزميلتها هيا الي امفبركه الصور يعني المحاداتات هكرنا ايميلها هدرزنا بيه ورجعناه وكلا الصور مريم هداك اليوم في الجامعه صحبتها متصله بيها واخده منها البسه علي اساس بتعدي بيها لي مصحه وراهو كله كدب والحمد الله انته مصدقتش وخطبتها يمشي قتلا اني مخطبتهاش هيا اني خطبت مكاده فيها وحده تانيه المهم معش قدرت انوخر ولا انقدم والي واجعني مريم مضلومه وكيف رقدت 6سنين وانا ظالمها ياريتني سمعت منها ياريتني
احمد:تؤتؤتؤتؤ لاحول ولا قوه الا بالله
عمران:شن بدير توا انشاء الله غير مش بتردلها
خالد:تي متزوج اني انردلها هدي مش حنردلها بنفهمها اني ظلمتها واني عرفت كل شئ بس
انس:خود رائي انته عدي ادوي لمرتك بيش كان سمعت من هنا ولا هنا متريحش فيها حطها في الصوره وقوللها انك بتدوي لي مريم ولاكن اتخاف نور متفهمش الوضع واتدير مشاكل
خالد:زعما
محمد :ايه كلامه صح والله كبرت وصار منك يا نص انصيص
انس:توجع اشوي لاكن ميه ميه
عمران:امالا نوض صبي
خالد:هي تو انجي ندويلها
ايهاب:الله معك ابن عمي
محمد:الله يوفئك ياتاج راسي
خالد:لاحول ولا قوه الا بالله ربي ايتبت عليكم  العقل والدين
كلهم :ههههههههههه
علا:ربي ايدومها من يبي قهوا
خالد:اني ماشي للحوش
انس:اني
احمد:اني
علا:اصيل خيرك مش معاهم بكل
اصيل:......
علا:اصيييلل
اصيل:نعم 😨
علا:مش مضبوط انته
احمد:علا امشي جيبيلنا قهوه كلنا
علا:توزيعه هيا
احمد:😠
علا:خلاص خلاص ماشيه
احمد:فيك شئ
اصيل:مفيا شئ فوت فوت
معتصم:كيف مفيك شئ وانته من امبدري سارح
اصيل:منيش سارح من قال اني سارح
انس:كداب باهي اتبتلنا شن قال خالد
اصيل:ايهدرز علي السفر
كلهم: 😒
اصيل:خلاص خلاص تو ندوي
احمد:اتحفنا
اصيل:اسمعو اني جوري شاك فيها
انس:لايجوز لايجوز كيف هكي اساس العلاقه التقه ياخويا
احمد:ااااااااااننس كيف شايفها مع حد شن في
اصيل:لالا لاكن انكلم فيها مرات في اليل ياراجل مرات حته قيس 3.4 نلقا فيه انتضار ولما نسألها اتعكعك وتقعد اتدور في سبله وكم مره في الشركه اتكلم وتضحك ولما انخش لمكتبها تطفي النقال طول واندورها نلقاها مختفيه في نص الدوام ومتعطي في علم لي حد مش متقبل انها اتخون فيا انشاء الله نطلع كداب انشاء الله الشكوك كلهن كدب انشاء الله
احمد:
#عند خالد
خالد:طقطق علي اباب
نور:اهلا فتحتله وصكرت الباب وباساته علي خده
خالد:ملاك راقده
نور:مليهاش واجد خيره في شئ
خالد:نور امنحكيلك حاجه بس نبيك تفهميني ومتخلينيش نندم
نور:خيرك شن فيه خوفتني
خالد:اوعديني
نور:وعد هيا قول
خالد جبدها من يدها وقعمزها احداه وشد ايديها الزوز:اسمعي زمان ............وتوا وحق الله نسيتها بس نبيش نقعد ضالمها نبيها اتسامحني
نور:يعني
خالد:اني بعدين بنفهمها ونبيها اتسامحني يعني متغاريش ومتعامليهاش البنت بمعامله مش حلوه راهي حساساه واجد حساساه اكتر من كسره الزجاج
نور:والله وحده اتحب راجلي وتبيني انعاملها اكويس وشن ايضمني انك مش حتلف عليهااو العكس واتسيبني
خالد:تبي ضمانه
نور:ايه
خالد:امنتصل بيك توا وانتي اسمعي شن بنقوللها
نور بكره: اوكي هي
خالد رن وهيا فتحت طلع من الحوش شاف مريم ماشيه ناحية حوشهم
خالد:مريم مريم
مريم وقفت :تفضل
خالد:امنحكي معاك موضوع
مريم:مرتك تعرف انك بتحكي معايا موضوع
خالد:عارفه عارفه غير تعالي هنا منبيش ايشوفونه
مريم:وخليهم ايشوفونا شن يعني ماهو قبل خمس اسنين هنا بالضبط هنتني قدامهم كلهم الحوش كله البنات الشباب كلهم  ناقصين الكبار زي ماما وبابا وامك وبوك وعمامي ونساوينهم واحنينه وجدو
خالد:اسف اني اسف مستعد انتاسفلك لغدوه الصبح بس سامحيني اني حمار متاكدش طول اصرلت بس نبي انقولك اني عرفت كل شئ وانتي مليكش دنب بشئ عرفت انه صاحبتك لاعبه بيك هيا وزياد عرفت كل شئ نبيك اتسامحيني اسف اسف اسف
مريم:بعد شنو بعد خليتن انخش في حالة اكتئاب  بعد خليتني انموت في اليوم الف مره في الليل وانا نبكي ااا ولا علي شن بنسامحك لما مديت يدك عليا واني معمريش حد مد يده عليا
خالد اعيونه ولن حمر ودموعه كيف اللائالئ ..
خليتني اقل من حشره وانته اتهزب فيا علي حاجه مدرتهاش ولاليا دنب فيها وبدت تبكي ولا علي شن بس ربي الي يسامح اني منسامح حد بس انته الي فتحت الموضوع ومش
بكيفك ومتقدرش اتسكره الا لما اني انسكره ونبي انقولك قبل مننسا او الاصح الحاجه الي منسيتهاش بكل الي هيا هدي ورفعت شعرها وبانت مكان غرزات خياطه، تفكرتها هدي لما ضربتني كف لين طحت علي كرسي الرخام وهوا هدا الي اني مصبيه في جنبه ولا شن متقدرش تكدب واتقول مش اني 5 راهن 5 سنين وقاعده مكان 14 بونتو في راسي مش حننساهن في عمري وتوا هي سلام ايه راجي اشوي زي مقتلك اني منسامحش ربي ايسامح لاكن انتمنه انك متفتحش امعايا الموضوع هدا تاني لياني بنتوجع وبنوجعك وعدت فتحت حوشهم وسكراته واتكت علي الباب وبدت تبكي
عند خالد
نور:الو خالد تعال نبيك وسكرت في وجه
انس واحمد وومعتصم
انس:ربي ايكون في عونك
احمد:اني بنخش انشوفها اكيد منهاره
طقطقطقطق
مريم......
احمد:اني احمد افتحي
مريم مسحت ادموعها وفتحت الباب احمد خش سكر الباب وحضنها
مريم ساكته
احمد:متخافيش اني منخوفش لهدرجه ابكي متكتميش متقعدين ساكته
مريم:من قال اني ابنبكي او كنت نبكي