عيلتنا باللهجه اليبيه

4

تفاعلو مش حتخسرو شئ المهم
هبة
نضت لقيت روحي الدكاتره فوق راسي وايديا امربطات وراسي مربوط ويركبولي في الكليونه امتع التغديه اشويه وخشو الشباب
اصيل:الحمد الله على السلامه
اني لفيت وجهي جيهت الشباك: الله ايسلمك
معتصم: هبوش الحمد الله على السلامه
اني:نوض صبي انته ولا هوا نبي انروح
اصيل:مفيش مرواح ابتقعدي هنا الدكتور قال تطلعي في اليل
اني:قلت امنطلع
اصيل;واني قلت لا
اني:تي عدي ملح وفكيت الكليونه وجيت بنصبي راسي وجعني رديت قعمزت
معتصم:في شئ
اني:امنطلع
معتصن;تو انادو الدكتور
اصيل:واني انجيبلها فطور
اني بابتسامة شر: باه عدو
خليتهم ايعدو وخديت مفتاح معتصم سيبة علي الطاوله وناديت الممرضه ساعدتني ركبت السياره ولعتها وانسوق بالسيف
________________________________________
اصيل
مشيت انجيب في فطور وخشيت للحجره ملقيتش هبة طلعت انشوف فيها ملقيتهاش
اني:وين هبة
معتصم:في الحجره
اني:مهناش
معتصم:بلكي في الحمام
اني:مهناكش
معتصم خش للدار:دارتها
اني:شنهية
معتصم:نسيت مفتاح السياره توا مهناكش
اني:زمري توا شن بيصير
معتصم:خلينا نروحو
اني:درت اجرائات الخروج
معتصم:الدكتور قالي مزال منقدرش انطلعها توا
اني:امالا هيا بسرعه
طلعنا نجرو ركبت انسوق وسرعتي علي 200
--------------------------------------------------
هبة
قعدت انسوق بالشوي وتلفوني مبطلش رن
اني:ايو
تقوى: وينك
اني:في الطريق
تقوي:خيره صوتك هكي
اني:سلام
صكرت منها ودرست سيارت معتصم في الكراج  وحطيت رجليا علي الوطاء  راسي جاني الم رهيب  طحت جو انس وصهيب واحمد وعماد وايهاب وعمر وعمران كانو امصبيين ايهدرزو
محمد:انتي شن جيبك وين اصيل ومعتصم
عمران:فيك شئ خيرهن ايديك ووجك
عمر:هبة هبة
اني:مفيا شئ حولو
احمد:كيف بنحولو مش شايفه وجهك وراسك وايديك كيف
اني:قلت حولو
ايهاب:باهي خلينا انساعدوك اتخشي انتي منضرك مش قادره اتصبي
عماد:باهي صبي نفضي دبشك
علي خشت اصيل ومعتصم
اصيل:كيف تطلعي بلا متخبرينا
عمران:شن صاير
معتصم:مش وقتك اسألتكم توا عدو نادو تقوي وعلا
اني:سيبوني خيركم وصبيت علي حيلي راسي رجع الالم جيت بنطيح تلاقوني اصيل وانس
انس:قالك سيبوني خشي خشي بلا دلع بنات
علا:وووه هبة خيرك
تقوى:هبوووش خيرك
اصيل:مش وقت اسأله توا يشوفها بوها ولا جدي يرعشو
علا:هاتها في حوش جدي جدي وعمامي في الشركه
اني:ارفعوني لي حوشنا
عماد: هاتي الكرسي المتحرك امتع جدي زمان
تقوى:اهوا قاع ورا الباب امتع الدروج
جابوه وقعمزوني فيه وخشوشوني
وحطوني في الدار لوطه وجتني ماما اتنوح بعدين بدا صوتها يتقل وامعاش نندري علي شئ
________________________
اصيل
رفعناها وحطيناها في الدار وعدت تقوىاتنادي في عمتي حنان وخشت اتعيط احداها بعدين هبة سكرت اعيونها
مصعب خش:شن صاير
اني:مش وقتك
عمتي حنان:خيرها سكرت اعيونها هبة هبة هببةةة
اني:فقدت الوعي بلكي هاتي عطر
علا:هاك عطر حنتي بنته عزايز عزايز
حنتي:شن قلتي
انس:قالت عطر حنتي مفيش منه وتبي زيه
اني:اسكتو
شممتها العطر فاقت
اني:ديرولها حاجات تاكلهن راهي طلعت بلا فطور جاها هبوط حاد اغمي عليها وهيا اتسوق وطلعت ركبت السياره تكيت علي محمصة خديت مكسرات وكاجو  وتكيت علي النعيري وخديت باكو جلكسي وحاجات وروحت خشيت لقيتهم كلهم قاعدين ونادر سابقني جايب حاجات واني حطيتهم وسلمت عليهم وطلعت قعدت اندخن قطع عليا تلفوني
اني:الو كحكحكح
جوري:الو اصيل
اني:معاك
جوري:متقولش اتدخن
اني:لالا كحكحكح مندخنش
جوري:كيف مدخنش وانته اتكح وعندك حساسيه منه
اني:حسيت باهتمامها بيا لما نسمع صوتها نقعد قلبي بيطلع من صدري
جوري:تسمع فيا
اني:جوري تعالي للعرعار
جوري:اوكي اشوي وتلقاني غادي
اني:باي
جوري:باي ودير بالك من روحك
صكرت من جوري وخشيت بدلت دبشي لبست سروال امريكي وقميص امريكي ورفعت شعري وبخيت برفان وتكيت شريت باقه ورد وتاكم فضه عليه حرفها وحرفي ومشيت درت شماعي علي هيئة قلب
اني:جيتي
جوري باندهاش وحاطه ايديها على فمها :شن هدا
اني:جوري اني كنت شاك في مشاعري تجاهك وتوا تاكدت جوري اني انحبك
جوري:😳
اني:خيرك متبيش عندك حد في حياتك
جوري:اصيييل
اني:عيونه وقلبة وروحه
جوري:حتى اني
اني:انتي شن
جوري:خلاص عاد حتى اني وخلاص
-----__---------------------------------------------
هبة:
طلع اصيل وخشو عيت خوالي
ااه Sooree نسيت انخبركم علي خوالي يا سيدي عيلة خوالي تتكون من
خالي محمد مرته حواء/ عندهم دعاء ودنيا ودانيا ونادر ومهند شدى
خالي:عصام  مرته سهير /عندهم كرم (اكرام اكرم) تؤام وساجده وارين
خالي:خالد مرته رانيا/ بتول ميار لينا عمر وعلي خالد يوسف
خالي:محمد مرته فاتن /نادر 2 ومندر  واسامه مراد وخوله وايناس واريج وشهد
خالي:تيم اعزب
خالي:مصباح مرته حليمه وعنده اياد وأويس ومعتز جهاد وعزو ونور
خالي:كمال اعزب
خالتي مروه عندها مؤيد ورنا
خالتي سالمه عندها سند وسندس
حني وجدي ميتين الله يرحمهم
💛💛💛💛💛💛💛💛💛💛💛💛💛💛💛💛
المهم خلينا نرجعو للروايه
اكرام:الحمد الله علي السلامه هبوش انشاء الله في الي يكرهوك
اني:ههه انشاء الله
نور:هبوش تعالي روحي معانا
اريج:ايه حقا ونمشو للملحق الكبير نكسدو غادي
اني:منقدرش نمشي علي حيلي لاكن نوعدكن يوم الجمعه انجيكم ونقعد لعند الجمعه الي بعديها
لينا:تعرفي استاحشناك موت
سندس:والله حقه ليك واجد مجيتيناش
نادر:هبووش تي قالو امدايره حادت الحمد الله علي السلامه
اني:الله ايسلمك
خش انس:  بنيت عمي مش فاضيه تو انجوك بعديك وانتا خيرك خاش بين البنات
نادر:بنتحمد علي سلامتها والبنات هدينا بنات عمامي وعماتي
انس اشر على البنات بيش يطلعن:اقعد انته وياهن وانتن نلقاكن داخل امعاها وهوا يدحنس داخل انضر شن انديريلكن
لارا:اهي وانته جاي اتوري في عضلاتك علبنا شوفلك راجل زيك مش قادر الا علي البنات
انس شد يدها ولواهلها وراها
البنات😱😱😱شن درت في عمرك يا انس
لارا:ايي يدي اطلقني يا كلب يا حيوان
انس:شنهوا
لارا:اي اطلقني يا واطي
انس طلقها
لارا:كان مرديتهلك ضعفها بعشره مرات عدي يانس ياولد خلف وخديجه الله يجهنه امعاد صبح عليك صبح ولا نهار مبارك عدي عطك حرقه وضيقه ونار طليقه وصواريخ امعيتيقه
انس:اولي عمتدعي عليي ولاك فريال امابكون انا
لارا:فوزيه
انس:امابكون انا ام زكي لك راح خلي الشيب ينبت علي اللسانك الي بدو اص
لارا:تي طير عطك طياره في ليلة مفيها ضئ قمر
انس:ولي ولي ولي تعو اسمع مكملش كلمته الا ايجيه استاكه من احمد:بتنطر من هنى ولا شن الراي
انس:زي القمله بادن الله
تقوى:اسمعي متكدبيش عليا واتقولي مش حنردهله:
لارا:لا حنردهله وتو اتشوفي
طلعت لارا قعمزت في الجنان وكلمت صحبتها
:هلا علوش شن الجو، ،،،،،،،،،تمام الحمد الله علوش نبيك في طلب،،،،، نبيك اتهكري ايميل تو نبعتلك اسمه وعطيني كلمة السر،،،،تمام باياتو حبي باي سلام هدي اول حاجه تاني حاجه مشت خدت عبت عصير في صفره
مريم:شن اديري
لارا:شئ تقوى شهاده من دينك اتجو اتصور
تقوى:شن بنصورو
لارا:انتي غير حطي الكاميرا وابدي تصوير
تقوى:1:2:3 Go
مشت علا خدت الصفره والشباب امقعمزين في الجنان علي كراسي السعف
لارا:خود احمد
احمد:يافالحه
مشت علا تالا انس وادير روحها تعتر اتبزع صفرت العصير علي انس دار حمام بيها
لارا:OOPPSS خيرك يانوس شن صارلك زعمه حد داعي عليك
انس:اااعععع واللله كان امطيري من قدامي لورحمتك نزقدك طريحة رباش القبور
لارا;الله غالب يا ولد العم معنديش جناوح
انس جاي بينوضلها هربت
لارا:صورتي
تقوى:ايه صورت
   

يتبع 💛💛💛💛
للكاتبه ❤مارسيلين️❤️