البارت ال2
فزيت من النوم عطشانه مو مي عطشانه حضن وريحه ابوي
كمت سبحت ونزلت اخذت حلويات ورحت للاستقبال اكل واباوع مسلسل
راح اصير بال10 وبابا ماكو كلبي وجعني اخذت التلفون ودكيت على حبيبي
اثناء الاتصال....
سمر...الو حبيبي
ابو سمر...هلا حبيبتي
سمر...وينك لهسه ضل بالي حبيبي
ابو سمر...صارت عندي كم شغله خلصتهن وهسه بالطريق جايج
سمر...دير بالك على نفسك
سديت الخط وكعدت كبال باب البيت منتظره روحي تردلي
مادري شكد مر من الوقت حته سمعت صوت سياره بابا وفتحه الباب
اول مشفته جيتت بحضنه ودموعي ميوكفن
ابو سمر...اسم الله حبيبتي شبيج
سمر(بچيت كل قوتي)...خوفتني عليك كووومه لا تعوفني بعد
ابو سمر...اشش بنوتي الحلوه كافي امسحي ادموعج وتعالي نتعشه
سمر...صار بابا
رحت غسلت وبدلت ملابسي ورجعت بابا مجهز المائده كعدنه ناكل
ابو سمر...حبيبتي بنيتي
سمر...كول بابا
ابو سمر...باجر عدنه كعده وراح بجون اهل الولد الميت واني جهزت كلشي بقه بس انتي ترتبين المكان والطلبيات توصلج بال11 مال الاكل
سمر...صار حبيبي ادلل
كملنه عشه غسلت المواعين ورحت يم بابا باوعنه شويه ورحنه نمنه مادري شلون غفيت
.
.
.
.
.
في الصباح
فزيت ادور على بابا بالغرفه مابيها احد وكعت عيني على الساعه بال9
كمت غسلت ونزلت جوه مالكيته اخذت كيكه وشربت اتريكت بيهن وبديت انظف البيت
طلعت مزهريات وكوشات ذهبيه وبردات ذهبيه متناسقات ويا التخم ومده دائريه سوده بنص الاستقبال وطبله حجم وسط بنفس اللون ورشيط معطرات صارت بال11 ونص وصلتلي طلبيات الاكل واجي عمي ابو ايه وياهم
سمر...هلا عموو
ابو ايه...هلا بنيتي هذا الاكل وكل لتحتاحيه موجود
سمر...اوكي عموو بس بابا وينه
ابو ايه...عنده شغل جاي يكمله بال1 يجي
سمر...وهمه شوكت يجون
ابو ايه...بال2 يجون رايحه هسه فد ساعه وجي
سمر...الله وياك عموو
اخذت الاكل للمطبخ وكمت اجهز واحط بمواعين كلشي بابا جايب مناسي شي
كملت صعدت سبحت لبست فستان طويل ومخصر وردن لونه ماروني وبيه حزام اسود كلش بسيط وحلو ورفعت شعري زيل احصان وحطيت مرطب لشفتي وريحتي المفضله
بقيت اكلب بالتلفون الى ان سمعت صوت بابا يصيحلي ركضت اله
ابو سمر...شنو هذا الجمال كلبي
سمر...جمال عيونك بابا حبيبي
ابو سمر...هههه ام اللسان
سمر...يله كدامي للحمام بين ما اسويلك غده لان مابقه شي ويجون
ابو سمر...بنيتي المعدله
راح يسبح حميت الاكل اله وجهزت المائده
طرقات الباــــــــب...
سمر...منو؟
ابو ايه...اني بنيتي
سمر...هلا عموو فوت بابا جوه يسبح
كعد بالاستقبال يسمع اخبار وبابا ياكل وصافنه عليه
ابو سمر...عيونج احسهن اللكمه يشوفنهه
سمر...غير حبيبي ههههه
