البارت ال3
فززني من افكاري صوت بابا
ابو سمر...وصلنه
حسيته ضربني طلقه مو حجه كلمه
نزلنه وجانو الزلم منتظرينا الشايب الطيب والرجال والشاب وبقيتهم ماكو
ابو امير...هلا وميت هلا بيكم
ابو سمر...وبالمهلي خويه بعد ماوصيك على بنيتي هاي قطعه من روحي والنفس يالصعد وينزل شتطلب وشتريد بس خابرني ولحد يضوجها ويمسها بشي مالها ذنب
ابو سمر...لا يا خويه هاي بنيتي لماحضيت بيها وانشالله اكون عد حسن ضنك ومحد راح يوصللها وتطلب وتتمنه
مدنكه ابجي واسمع الحجي
سمر...بابا حبيبي والله ماكدر بدونك
ابو سمر...معايفج وحدج اجيج بين فتره وفتره
ابو امير...اني مثل ابوج لتخافين
ابو سمر...يله بنيتي رايح
هزيت راسي ودموعي متوكف دخلني الرجال للبيت
جبير حيل والاستقبال صاير بنص البيت ومره متوسطه العمر كاعده اول مشافتني استقبلتني بالاحضان
ام امير...هلا ببنيتي هلا بمرت ابني
سمر...هلا بيج عمه
ام امير...ياعمري ليش هاي الدموع
سمر...بابا عافني
ام امير...لا يروحي اني امج والحجي انشالله ابوج ومراح يعوفج كل فتره يجيج كافي دموع كومي خلي يدليج امير غرفتج حته ترتاحين بيها
مسحت دموعي واهز براسي
امير...كومي كدامي
جفلت من صوته الخشن والعصبيه
ام امير...على كيفك ويا البنيه
امير...صار حجيه
مشيت صعدنه للطابق الثاني وصلنه لغرفتي ماحس غير واحد دفعني يقوه للغرفه وجه جرني من شعري ومخلي ايده على حلكي
امير(بعصبيه)...لا تفرحين بمعامله ابويه وامي الج انتي وحده كحبه ورخيصه افتهمتي واي شي يصير ابينه اذا وصل الهم اكرهج بالساعه لجيتي بيها افتهمتي
بجيت كل قوتي واهز راسي جرني قوي عطت
امير...اشش صوت ماسمعلج
ضربني راجدي خدر بيه خدي
امير...كلما اسمعلج صوت كلما ازوركج اكثر
شمرني بالكاع وراح لميت نفسي ودموعي متوكف اني شسويت حته هيج يصير ويايه
شويه وسمعت صوت الحجيه تصيحلي كمت على السريع غسلت ونزلت
سمر...ها يمه
ام امير...يمه فدوه اروحلج شكد حلوه بحلكج
اريدج اجهزين روحج راح يجي السيد يعقد عليكم افتهمتي ابنيتي
سمر...ادلل يوم
صعدت للغرفه مالكيت الجنط لجابهن بابا وماعرف المن اسال نزلت ليمه
سمر...يمه جنطي وينهن
ام امير...اسالي امير تلكيه بغرفته
رجف كل عضو بيه من سمعت اسمه وكام وجي ينطي الوان
ام امير...شبيج حبيبتي
سمر...ها لا يمه ماكو شي صاعده اساله
