1- الروايه بناء ع طلب خاص ،
2- احداثها من وحي خيالي عشان محد يقولي ماعندنش في ليبيا ،
3 - شخصيه البنت و الراجل بناء ع طلب البعض ❤🌿
___________________________
عمري أبتدا ... ❤❤❤
الجزء الاول ،
للكاتبه wiush_hamo ✍✍
" أحيانا نفكرو ان عمرنا ادمر بمجرد ان انوضعنا ف مكان الغلط بمجرد ان عشنا الضروف الغلط بمجرد ان قدرنا ماكنش ك قدر غيرنا و ننسو ان رب الخير مايجيبش الا الخير ، ممكن الله حطك ف المكان هذا و عشت الظروف هذي بس عشان تعرف طعم العطاااء و تعرف ان الله كبير و تعرف ان مابعد الضيق الا الفرج بس خليك واثق ان الله عمره مايخيب ضن عبده فيه . 🥀 "
كانت ليله مظلمه مافيش ضوء قمر بس كنت بنهرب من يلي انا فيه مش حنخااف من ظلام مدام طول عمري عشت فيه مش حنخاف من المتحرشين مدام عشت طول عمري ف التحرش مش حنخااف من الضرب و القتل يلي كثر بشكل غريب في بلادي مدام عشت طول عمري ع العصى او توبو او الناار
هربت و حسيت اني تحررت تحررت من سجن مخيف تحررت من عبوديه تحررت من حيااتي يلي انظلمت فيها و انا ماليش ذنب
نشوف ف طريق المظلمه طريق منوره قلت حنطلع و حنعيش حياتي برا حتى و لو تشردت حتى و لو كليت من الكنااسه "حشاكم" حتى ولو عشت عمري نشحت من الناس اهم شي مانكونش تحت يديهم ويديرو فيا يلي يبوه ليش لاني بنت غير شرعيه بنت ميتم او دار رعاايه وهيا ماكنتش دار رعاايه هياا سجن بحد ذااته
فيه القوي يستقوي علينا و يعرض عضلاته علينا ع بنات ضعيفات مالهنش لا سند و لا ظهر ف دنيا هذي كلها في منا يلي ماتن تحت اغتصاب و من يلي ماتت تحت الضرب و منا يلي ماتت تحت الصقع و مافيش اي منظمه انسانيه تسأل علينا و لا في حد معبر نحن شن نعانو .
اسمي هبه عمري ال21و شفت في حياتي ماشفتش بنت ال40 سنه
يتيمت الاب و الام سمعت قصتي من الميتم يلي انا فيه اني جيت بنت حرام و حطوني قدام جامع فقط لانعرف من امي و لا باتي
تربيت ف الميتم و عشت عمري فيه عشت فيه جميع انواع الضرب حتى لدرجه اني نرفع عيوني بس ف المدير ننضرب او نحكي مع عامله ننضرب
المدير كان انسان معليش غلطت في كلمه انسان مايمثلش الانسانيه ابدا كان حيوان او شيطاان و واجد عليه كان وااحد ظاالم يضرب فينا ع اتفه الاسباب و مايفوتش فرصه فيها الا يتحرش بينا حتى الصغار فينا و اعتدى ع كم بنت بس مافيش من يحااكمه و لا يسأل تمادى و من كم بنت قعدن لمئات من البنات و انا كنت حنكون من ظمنهن الا اني هربت قبل مايصير فيا الشي هذاا
وقصتي بدت من اليوم يلي هربت فيه 5 ديسمبر و واجهت قدري يلي غير حيااتي وقلبها 180 درجه و عمري ابتدا من اليوم هذكي .... 🔥.
