The Bride of Legendary

အပိုင်း-၁

ယန်ဇီမြစ်ခေါ်ချန်ကျန်းမြစ်သည် အနောက်ပိုင်းတိဘက်ကုန်းပြင်မြင့်များရှိရေခဲမြစ်များဆီမှာ မြစ်ဖျားခံလာပြီး မိန်းမပျိုလေးတစ်ယောက်ရဲ့ ညင်သာကကြိုးပမာ နူးနူးညံ့ညံ့စီးဆင်းနေလေသည်။

မြစ်ဝှမ်းရဲ့ ချယ်ရီပင်တန်းရှိရာ သိုင်းလောကရဲ့အဓိကကျရာ ဝူကျင်းမြို့လေးရဲ့ ညည့်သန်းခေါင်ဟာ အခါတိုင်းနဲ့မတူ လှပစွာလှုပ်ရှားနေသည်။ မိန်းမပျိုငယ်တို့ဟာ ရိုးရာအထည်ဆန်းတို့ကိုဝတ်ဆင်လျှက် ဆံစတို့့ကိုဖဲပြားတို့စည်းနှောင်လျှက် အနီနီ အဝါဝါ တောက်ပကာမီးပုံးငယ်တို့ကို ကိုင်ဆောင်ထားရှိကြသလို အမျိုးသားပျိုတို့မှာလည်း ဓားသိုင်း ယှဉ်သူ ၊အမျိုးသမီးတို့၏မီးပုံးကိုင်ဆောင်ပေးလေသူ၊တို့နှင့် စည်ကားနေလေသည်။

သိုင်းလောကတွင်စာချိုးတစ်ခုရှိသည် ။
"ရှင်လျှက်သေချင် ဝူချန်တက် ၊ ပျော်လျှက်နေချင် ဝူကျင်းသို့လား" ဆို၍ပင်ဖြစ်သည်။

ဆိုလိုသည်မှာ ဝူချန်တောင်တောင်တွင်မှု သိုင်းလောကရာဇာ လော့ယဲ့မင်၏ အထိန်းချုပ်အောက်တွင်သာရှိစေရပြီး အပြင်လောကနှင့်ထိစပ်မှုလုံးဝမရှိပေ။ဝူကျင်းမြို့တော်တွင်မူ နယ်စားမင်း၏သားဖြစ်သူ ကျန်းဟွားလီ ရဲ့ ဦးဆောင်မှုဖြင့် ပျော်ရွှင်စွာနေတတ်ကြပြီး ရာထူးအာဏာခွဲခြားခြင်းလည်းမရှိသလို တစ်နှစ်တစ်ခါ ချယ်ရီပင်စိုက်ပျိုးခြင်းနှင့် ဆုတောင်းမီးပုံးလွှတ်ပွဲတို့ကို ကျင်းပလေ့ရှိသည်

"ကျန်းသခင်လေး နက္ခတ်မကောင်းဘူး ဘယ်လိုလုပ်ကြမလဲ"

"အရင်ကတည်းက တွက်ပြီးသားကို ဘယ်လိုဖြစ်တာလဲ "

"ကျွန်တော်လည်းမသိဘူး သခင်လေး"

"သန်းခေါင်ယံအချိန်ကလည်းရောက်တော့မယ် ကြည့်လုပ်ကြတာပေါ့"

ကောင်းကင်ယံဝယ် အမှောင်အငွေ့အသက်တို့က တဖြေးချင်း ဝင်ရောက်နေလေသည်။
ယန်းဇီမြစ်ရဲ့ကြေးမုံပြင်မှာ အညှိုးပြင်းတဲ့ နဂါးတစ်ကောင်ရဲ့ ပုံသဏ္ဌာန်အလား တိမ်လိပ်တို့ဟာ ရုတ်ချည်းပြောင်းလဲကာ နေလေသည်

"အရှင် တောင်ခြေမှာ ဘာဖြစ်တယ်မသိဘူး"

"တွေ့တယ် လုံယိ.အမှောင် ထုကအရမ်းစိုးမိုးနေတယ် ဒီမှာ ကြည့်"