ولادة رتبة١٩٩٧

ألبارت الثاني

ألسلام عليگم،

يادنيا نارج بگلبي شبيها
على الضيعته مايحصل شبيها
تگلي الوادم عيونك شبيها
عمت كلت من فراگه اليه

محافظة الانبار الساعه6:00مسائاً

ابو صقر: الف مبروك بويه تستاهل تعبت جثير بالدراسه اريدنك تصير احلا دكتور وترفع راسي

صقر:الله يبارك بيك بويه تسلم لا يبوي انه راح اقدم على الكليه العسكريه هذا اتفاقنه انه وياك وانه صراحه ماتراجع عنه

ابو صقر:ضنيت انك نسيت انه ماموافج يبوك خايف عليك اديرك ذيب لجن انت وحيدي ومن ريحه الغاليه

صقر:وهو يبوس ايد ابو وراسه الله يطول بعمرك يالغالي الروح تراهه وحده وانه هاوي العسكريه

ابو صقر:على خير يبوك ماحرمك منه ان شاء الله اشوفك بأعلى المراتب

مشو صقر وابو للقصر وكان الكل بأنتظارهم

احمد:حبوبه جدي اجه عمي مازن اجه وينكم

ام مازن:ويعه ابوي ليش تصرخ شهرتنه مصكوع

احمد:هيم بيته شهرتهه فوگ مااناديج وصل صقير حبيبج

ام مازن:ضربته بالعصه طاحت برجله امش لابارك الله بيك

شرد احمد وهو يضحك
راحت ام مازن وابو مازن يمشون بأتجاه البوابه
والكل كان بأستقبال صقر بعد ماعرفوا بنجاحهه ومعدله الي يرفع الراس كان معدله96%
صقر جدا ذكي ويلكف بسرعه

استقبلوا بالجوكليت والورد والهلاهل فرحانين بي الي يحبوه
والي يغارون ميتين قهر……

والي مايهمه مثل گحله،

راح يبوس ايد جده وجدته
رفع راسه وهو يبتسم بوجهه حضنه ابو مازن/

اطلب وتمنه يبوك شتريد هديه اشر وتجي لحد يمك

صقر:ابتسم بوجه جده ماريد غير ربي يطول بعمرك جدي،

ابو مازن:يرعاك الباري وليدي يلا ندخل

دخلو الكل عدا صقر الي جان ينتظر يشوف ام قاسم يريد يسلم عليهه
اجت من بعيد بعد ماقلو الناس

صقر:هلا عمه راد يبوس راسهه،،،بس

ام قاسم:كلللللوش يوم عرسك وليدي حبيب لايمه لاتبوسني من راسي انه ابوسك رفعت راسي يمه ماضاع التعب كامت تبجي وتمسح دموعهه بطرف الشيله

صقر: تسلمين يالغاليه
لا ياعمه ليش البجي مارضه دموعج تنزل وحضنهه

ام قاسم دموع الفرح الله يطول بعمرك يلا ادخل اكيد تعبان روح ريح

دخلو صقر وام قاسم

قاسم:الف مبروك ابو الشباب تستاهل والله

صقر:تسلم خويه
انه اترخص ارتاح شويه واصلي

الكل مرخوص//