بعد فترة طوييله::--
نزار:شن فيه انشاء الله خير علاش جمعتينى كلنى اهني ولى بتودعينى
رنا:لو تصكر فمك تعرف لشن ناديتكم
مجد:هيا تكلمييي مستعجل بنطلع
رنا:اوكِ بنتكلم
طبعااا بابا قبل ميموت كان واااتق هلبا انه انا بندير شغله كويس
كتبلي كل شييي بأسميي وقالي نتصرف فالاملاك فالوفت المناسب
واليوم هوا انسب وقت مدام احنى مع بعض ومفيش بيناتنى اي مشاكل....حطت اوراق عالطاوله
قسمت الاملاك بيناتنى وقعوا علاوراق
نزار:مش قلتي بوي تبرع بيهم
رنا:قلت لاكن كدب متكدبوش انتوا يعنيي
نور:انا منبيش ولى شيي حصتي خوديهاا انتي
رنا: بابا بعتلك رساله معااي ومدتلها الضرف
نور:شن فيه ؟؟؟
رنا:منعرفش
مرام:اميي هياا عااد ساعتين باش تطلعيي
عائشه:وانتي خييرك مستعجله قرييب تمشيلهم على رجليك
مرام:بنتكلم مع رنااا فموضوع
عائشه:البنت فاتحتها اليووم مش وقت مواضيعك
مرام:لهدا السبب نقولك بسرعه يأمي
نور فالدار مقعمزة عالسرير وتبكيي
رنا:شن فيه الضرف الي بكاك هكيي
نور:بابا
رنا؛خيره
نور:حكالي فالرساله قدااش انه يحبنيي
واني غاليه عليه
حكالي كيف كنت فصغرييي وكيف يلعب معااي كيف منحبش اي حد يقرب عليه غيري وكيف نقعد نبكي وقت يلعب معاك او مجد
يعنيي بابا يحبني مش زي متقول اميي😭
رنا:اكييد يحبك مفيش اب ميحبش صغاره
انتي بعدتيي روحك علينااا لهدا السبب حسيتي انه ميحبكش ونكرهوا فيك وحجات هلبااا
نور:وكتبلي نص الحوش
رنا:ابتسمت....نعرف
نور:منبيش خودييه
انا الي يهمني انه نقعدوا مع بعض ومنفترقووش مهماا يصير معنااا
رنا:اكييد وهدا حقك ومدام بابا كتبهولك معندي منقولل
روبين:حسنيي بنووض نخلطهم وحده عالتانييه
فردوس:واناا معااك
روبين:مفهمتش علاش عزمتهم درهااات كبببد خراواات جمالهم عالفاضيي عيون خضرر بلا فايدة
فردوس:بكلل الزفت دمهم رزيين
رنا:قعمزت بحداهم....يااسر تقريم انتي وياهااا
روبين:انتي امشي وتي روحك وقت
رنا:مزال الساعه 3شن وقت
روبين:اي وقت خلاص امتى بتلحقي تمكيجي وتلبسي وكله
ترن ترنن
رنا:الو
نضال:بصوت سكران....بتتزوجيي
رنا:شن تبي ؟؟
نضال:رنااا مديرهاش فيااا
رنا:ساكته
نضال:نحبببك ❤
رنا:كلامك معتش ليه فايدة توا....وصكرت الخط
فردوس:نضال؟؟
رنا:اي
روبين:حرام عليك الولد من وقت متنحى السحر وهوا يجريي وراااك ويبعتلك
فردوس:نضال شخص مستهتر ومش حتعيشي معاه مرتاحه
خليك مع حيدر ومتتهوريش
رنا:اساسا معتش عندي حل تانيي
روبين:شافتلهااا بحزن وناضت
نور:رنا مراام جت وتسأل عليك
رنا:تماام توا نشوفهااا...وناضت
نزار:فردوس
فردوس:نعم
نزار:فيه بنت عيونها خضرر ركزيلييي فيهااا
وجيبيلي رقمهااا
فردوس:عيلت امك نصهم عيونهم خضر من وين بنعرفهااا
نزار:دبرييي ولى نخش ندور عليهااا فسط النساوين ونديرلكم العاااار
فردوس:به اقلب وجهك وصكرت عليه
