"منقول"
*النهاردة هنتكلم عن الـ مقصر في الصلاة و الـ نفسه ينتظم ف الصلاة تاني 💛*
(واللي هي انا)
نفسي أنتظم على الصـلاه !!
بصلي فـرض و أفـوت فـرض !! بنسى أصلي أو بكسـل , مش عـارفه ليه بعمل كده !!
أنـتِ عـارفه إنـك أصلاً مضـايقه من إنـك مش بتصلي و عـايزه تحـافظي على صـلاتك ده أكـبر دليل أنـك جـواكي كـويسه والله , و قلبـك حي و بيخـاف ربنـا , ولاحظيهـا أنتِ في نـاس كتير مش بتصلي ولا هنـا , ولا بتفكـر في الموضوع أصلاً , فـ أنتِ قبل أي حـاجه أنتِ والله بخـير و جواكِ كويسه ,
هسـألك سـؤال , هـو إحنـا بنصلي ليه؟ 💛
هتقـولي علشـان ده فـرض و ربنـا قال كده , مـاشي انا معـاكي ده سبب
بس عُمـرك مـا فكـرتِ فيهـا بـ طريقه تـانيه , ازاي , بُـصي هـو لو واحـد صمم أله و الآله ديه محطـوطه في مصـنع , و هـو كُـل يوم بيجي 5 مـرات يقعد يصلح في الاله ديه و يظبط أي غلطـات فيها , و يتابعها أول بـ أول , الاله ديه هتبـوظ !! , أكيد لأ , طـب و لو باظت مين أكتـر واحد هيبقى فاهم فيها , الـ صممها صح !!💛
ولله المثل الاعلى ..
هـو بينـادي عليـكِ 5 مـرات ليه ؟ انـتِ فاكره صلاتك هتـزود عند ربنـا حاجه ولا عدم صلاتك هينقص من ملكهُ حـاجه , لا والله , ده هـو بيعـرضك عليه 5 مـرات علشـان يصلح فيـكِ , علشـان هـو لما يكـون قُدامك في الصلاه نـوره يـوصلك , فـ يطهـر روحك و قلبك و نـوره ده يعينك على الدنيا ..
ليـه تحرمي نفسـك من نـوره , أيه فـ الدنيا يسـوى نـور من أنـوار ربنـا , يعني لمـا الاذان يقـول الله أكبـر , ربنـا بيناديك بيـقولك تعالى انا عـايز أقابلك , عـايزك تُقف قُدامي , عـايز أشـوفك محتاجه ايه و أعملوهلك , عايز يشـوفك ساجده بين أيديه و بتقول يـارب و أقـولك لبيك عبد , لمـا الاذان بيأذن الشيطـان بيقف قُدامك و يقولك ( يا أنا يـا ربك , يا تتسجيب لـ ندائي يا تسجيب لـ نداء ربـك )💛.
تخـيلي كده نفسـك يوم القيـامه و أنتِ واقفه قدام ربنـا و ربنـا جاب اللحظه ديه , لما الاذان أذن و الشيطـان وقف قدامك و قـالك يا أنا يـاربك , و أنتِ سمعتي كلام الشيطـان , هيبقى منظـرك قدام ربنـا ايه !؟
هتـقوله ايه ساعتها , عـارفه هتعملي ايه , هتقعدي تعيطي , لآن ربنـا هيقولك أنا كنت جمبـك و مكنتش بسيبك أبداً , رزقتك الصحه علشان تقدري تصلي و غير محروم منها , رزقتـك البيت الـ تصلي فيه , رزقتك المايه الـ تتوضى بيها , و لو مفيش صحه صلى و أنتي قاعده , و لو مفيش بيت صلي في أي ارض الارض كلها مسجد ,
و لو مفيش مايه تتوضى أتيمم , سهللتلك كـل حاجه علشـان تصلي , علشـان أقابلك , و أنت بخلتِ عليه يا عبدي💛
أنتِ شايفه مـوت الفجأه أنتشـر أزاي , و ممكن كمـان ثانيه تلاقي ملك الموت قدامك , والله ساعتها هتقولي رب أرجعون , بس مش هينفع ,
بصي أول مـا تسمعِ الاذان قولي لـ نفسك يمكن ده يكـون أخر أذان أسمعه في الدنيا , و أفتكـر إن الشيطـان وقف قدامك و أتحدى نفسـه أنك مش هتصلي , و بيقولك يا أنا يا ربك , أفتكـرها و أفتكـر إن المنظـر ده هيكـون قدام ربنا يوم القيامه💛
في الاول هتبقى صعبه ,لآن الشيطان مش هيرحمك و هيقرفك , بس لازم تجـاهدي نفسـك والله والله ليكي ثـواب كبير على جهـاد النفس و أدعي ربنـا كتير أوي بالثبـات , و كل ما تصلي فـرض أسجدِ سجدة شكـر بعدها أن ربنـا وفقك و صـليت , و حـاول حـاول , و أستغفـري كتـير أوي , بنيـة إن ربنـا يفتح عليـكي في الصـلاه , و كُـل ما تحسي انك بدأت تسيبي الفـروض تـاني ,أستغفـري ربنـا , و أفتكـرِ إنك بتفوتي( مُقابلة حبيبك علشـان ترضى عدوك )💛
إفتكـرِ إن الملايكـة سجدت ليكِ علشان أنتِ كـبير عنده , و إن الكون أتخلق علشـانك علشـان انتِ كبيره عنده , و إن الجنـه أتعملت علشـانك علشـان أنتِ كبيره عنده , و إنه بيغفـرلك أي ذنب مهما كـان علشـان أنتِ كبير عنده , فـ عـيب عليـكِ ميكـونش هـو كمـان كبير عندك💛
الجنه تتساهل ..💛🌻
